download MamiDaily 親子日常 app
【湯水食譜】排毒+增強小朋友免疫力 紅菜頭杞子紫蘿蔔湯

【湯水食譜】排毒+增強小朋友免疫力 紅菜頭杞子紫蘿蔔湯

健康食譜 爸媽分享
By 小小豬Kinsey on 17 Jan 2020

話說我噚日冇意中喺九龍地城買到好新鮮嘅有機紅菜頭同埋紫蘿蔔,店員姐姐仲教我加埋粟米同杞子一齊煲,就可以有補肝明目、增強免疫力、仲話可以排毒防癌。

其實我之前都煲過好幾次紅菜頭湯,不過紫蘿蔔就係第一次接解,見姐姐話得咁厲害,而且兩樣都好新鮮又唔貴,所以就買齊材料試下煲啦~

湯水食譜:紅菜頭杞子紫蘿蔔湯

材料就有:紅菜頭2個(如果大嘅1個都可以)、紫蘿蔔2條、粟米1條、杞子約1湯匙及薑2片~

湯水食譜:材料就有:紅菜頭2個(如果大嘅1個都可以)、紫蘿蔔2條、粟米1條、杞子約1湯匙及薑2片~

紅菜頭嘅根同埋葉都含有好豐富嘅葉酸、鐵、纖維及其他營養,療效包括抗癌、補血、消化不良、虛弱怕冷、補腦及全面提高抗病能力,協助肝臟細胞再生,促進腸胃蠕動,令骨骼強健,並可預防心血管病,有助降低膽固醇(網上資料)~

湯水食譜:紅菜頭嘅根同埋葉都含有好豐富嘅葉酸、鐵、纖維及其他營養

紫蘿蔔嘅紫色就係來自天然嘅「花青素」,而花青素就可以對增強免疫系統能力、促進視網膜細胞再生,有助視力、增強記憶力、抗氧化,可預防有關自由基引起的疾病,包括癌症及增加血管彈性,保護血管內壁,有助血液循環,對身體各器宫和系統皆有益處(網上資料)~

湯水食譜:紫蘿蔔嘅紫色就係來自天然嘅「花青素」

先將紅菜頭洗淨,然後去皮及切片。佢嘅莖葉都好有用,所以洗淨切段後加埋入去一齊煲呀~

湯水食譜:先將紅菜頭洗淨,然後去皮及切片。佢嘅莖葉都好有用,所以洗淨切段後加埋入去一齊煲呀~

紫蘿蔔去皮切塊;粟米去皮切塊~

湯水食譜:紫蘿蔔去皮切塊;粟米去皮切塊~

杞子洗淨;薑片去皮之後拍鬆,等煲嘅時候可以出味啲~

湯水食譜:杞子洗淨;薑片去皮之後拍鬆,等煲嘅時候可以出味啲~

煲內放約3L水,然後隨水加入薑片~

湯水食譜:煲內放約3L水,然後隨水加入薑片~

用大火將水煲滾後,將其餘材料加入煲內(杞子除外)~

湯水食譜:用大火將水煲滾後,將其餘材料加入煲內(杞子除外)~

待水再滾後用大火加蓋煲約15分鐘,之後轉慢火加蓋煲多30分鐘~

湯水食譜:待水再滾後用大火加蓋煲約15分鐘,之後轉慢火加蓋煲多30分鐘~

依個時候就可以加入杞子~

湯水食譜:依個時候就可以加入杞子~

繼續用慢火加蓋煲多15-20分鐘~

湯水食譜:繼續用慢火加蓋煲多15-20分鐘~

最後落少少鹽就飲得啦~

湯水食譜:最後落少少鹽就飲得啦~

小小豬之前都有飲過好幾次紅菜頭,所以佢都一定唔會抗拒,仲幫紅菜頭改左個名叫做熱利賓納添...哈哈哈!

今次加埋紫蘿蔔一齊煲,其實個味又同之前嗰啲分別唔大,一樣都係好清甜,老公都讚好飲,仲叫我定期煲依個俾佢飲,等佢可以排毒,等身體可以健康啲呀!(哈哈哈...佢咁賞面我就當然一定好樂意配合啦!)

溫馨提示:
- 由於個別人仕體質不同,所以大家記得煲之前了解下自己,如有疑問,請先向註冊中醫查詢!

Text & Photos:小小豬Kinsey

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道