【親子好去處】紅楓葉季節又來了！行山遠足靚景推介

賞楓葉唔一定要去日本，近近哋元朗大棠就有得睇喇！

每年12月到1月都係賞楓嘅季節，月初朋友話大棠楓葉已帶微紅，今日一去已見楓葉更紅更靚，遲多幾日再去應該再靚啲！

今日除左賞紅楓葉，仲為咗睇千島湖，途中更巧遇一片芒草，學蝦子話齋：「呢個郊野公園風景真係好靚啊！」

是日行程由大棠出發至掃管芴，全長約10km，路程3.5小時，呢度要畀10個讚蝦子細佬，全程自己行，唔洗要人抱，好感動！！

前段大棠賞楓路程適合BB車，後段往千島湖要上上落落，梯級較高，適合3歲以上小朋友，若然要帶BB車，又係行山初哥，可選擇大棠賞楓段落來回。想睇更多靚景，又想同小朋友挑戰就不妨考慮一下我地既行程～

交通
港鐵巴士：K66 朗屏 》大棠黃泥墩村
小巴：元朗千色廣場 - 大棠（大棠山道路口巴士站下車）
＊注意：由大棠山道路口巴士站往賞楓路段要30分鐘，建議有Budget嘅搭的士上去大棠燒烤區（即起點），慳返啲腳骨力係之後嘅路段。由12月9日起大棠會實施交通管制哦！早啲去冇咁多人！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：鯨魚家姐‧蝦子細佬媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！