download MamiDaily 親子日常 app
【湯水分享】化痰止咳 羅漢果西洋菜瘦肉湯

【湯水分享】化痰止咳 羅漢果西洋菜瘦肉湯

健康食譜 爸媽分享
By 小小豬Kinsey on 29 Nov 2019

喺街市見到啲靚靚西洋菜,又令我好想飲西洋菜湯,所以就買齊材料煲返一個化痰又止咳嘅羅漢果西洋菜瘦肉湯啦~

湯水分享:羅漢果西洋菜瘦肉湯

其實西洋菜湯除左好好飲之外,其實都好有益。西洋菜性涼,含植物性纖維和多種維他命另外,仲有清熱潤肺、助咽喉炎、氣管炎、肺結核、扁桃腺炎及百日咳等的功效。特別屬於燥熱性的咳嗽,療效更為明顯。(網上資料)

西洋菜約一斤、羅漢果半個、南北杏約兩湯匙、薑兩片及瘦肉約$40~

湯水分享:西洋菜約一斤、羅漢果半個、南北杏約兩湯匙、薑兩片及瘦肉約$40~

西洋菜先用鹽水浸佢一小時,中途最好換兩次水,因為西洋菜係水種植物,一定要洗乾淨啲呀~

湯水分享:西洋菜先用鹽水浸佢一小時,中途最好換兩次水,因為西洋菜係水種植物,一定要洗乾淨啲呀~

羅漢果壓碎與南北杏一齊洗淨;薑片拍鬆;瘦肉汆水~

湯水分享:羅漢果壓碎與南北杏一齊洗淨;薑片拍鬆;瘦肉汆水~

煲內加入約3L水,然後加入薑片~

湯水分享:煲內加入約3L水,然後加入薑片~

待水滾後加入所有材料,一定要大滾先好加人西洋菜,如果唔係煲出嚟嘅湯就帶點甘苦味呀~

湯水分享:待水滾後加入所有材料,一定要大滾先好加人西洋菜,如果唔係煲出嚟嘅湯就帶點甘苦味呀~

繼續用大火加蓋煲約30分鐘~

湯水分享:繼續用大火加蓋煲約30分鐘~

之後轉慢火加蓋煲多1.5小時~

湯水分享:之後轉慢火加蓋煲多1.5小時~

最後加鹽調味,就可以飲得,記得唔好浪費左啲西洋菜,因為煲過湯嘅西洋菜係超好食呀~

湯水分享:最後加鹽調味,就可以飲得,記得唔好浪費左啲西洋菜,因為煲過湯嘅西洋菜係超好食呀~

羅漢果同西洋菜簡直係絕配,啖湯真係勁好飲,飲完喉嚨仲好舒服,真係十個正呀!(依個亦都係我鐘意煲西洋菜嘅原因...哈哈哈)

溫馨提示:由於個人體質都有所不同,我啱飲時又未必每個人都啱,所以大家記得煲之前了解下自己,或者問下相熟中醫/藥材店職員,呢個湯料啱唔啱自己呀!

Text & Photos:小小豬Kinsey

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道