【幼兒加固】成長一小步|加固挑戰

【幼兒加固】成長一小步|加固挑戰

爸媽分享 mami熱話 健康食譜 湊B趣聞 bloggers 新手媽媽 幼兒飲食 湊仔經
ByDoris on 24 Oct 2019

隨住時間一日一日咁長大嘅Marvin,已經去到加固嘅時間啦~好多媽媽有好多嘅講法,有時候唔同嘅BB有唔同嘅情況,所以媽媽唔需要一定要跟人地個套,又或者覺得係咪自己既BB太慢或者太快咁。咁Marvin係食奶粉嘅,所以我4個月嘅時候已經開始慢慢比Marvin加固,到以家差唔多8個月,就兩餐加固唔需要補奶啦一餐。

幼兒加固 - 飲食時間表

Marvin 飲食時間表:

07:30 120ml奶

11:30  Lunch(加固)

15:30 120ml奶

18:30 Dinner(加固)

22:30 120ml

咁Marvin平時起身飲完奶奶之後,我會同佢落公園到「晨運」,因為可以Marvin曬下太陽又可以比佢睇多啲綠色植物。咁返到屋企佢訓教嘅時候我就會準備野食比佢啦。通常午餐我就會整多少少野比佢嘅,暫時會係:一肉類、一蔬菜、加米糊或者粥(有時比薯蓉佢食既),再加少少湯嘅。晚餐就會比較簡單:一個餸、飲水水,咁就一餐。

廣告
廣告

要加固嘅時候我就買左蒸煮攪拌器,因為可以方便啲。咁大約10-15分鐘就可以蒸好左加攪爛埋,唔洗蒸又一個、攪拌又一個。咁我所有野都係放落去蒸嘅:菜、肉、蛋、所有要蒸嘅野我都會交哂比佢嘅~

幼兒加固 - 蒸煮機

咁High chair方面呢,因為Marvin細個個陣我係冇買可以二合一個啲high chair,所以我就想買一啲可以長大後都坐到嘅high chair。因為睇過市面好多high chair好多都比較大同埋坐到歲幾兩歲就唔可以再用嘅關係,我同爸爸就決定買下圖一既high chair啦~因為佢大個左之後都可以繼續坐到啦!如果佢唔坐,咁就我同爸爸坐;第二,佢又唔會好大,唔需要好多位去放,可以泊入飯枱haahaa;第三,佢既設計好時尚,唔同平時見到既high chair。除左呢一張,Marvin每星期都會返婆婆屋企,所以我買多一張比佢,婆婆想細細地易放又方便個啲,所以我揀左下圖二既high chair。兩張都有自己唔同既特色,各位媽媽可以參考下~
幼兒加固 - high chair 1

Marvin係一個好鐘意食野嘅小朋友,我試過有媽媽話太快就比佢食兩餐,一歲嘅bb最好就係飲多奶多啲營養,我嘗試改變,但我發現根本做唔到,因為Marvin係比較鐘意食野多過飲奶,體重生長線都係正常嘅時候就唔洗太介意究竟係咪比得太少奶比BB,又或者係咪太快就比佢食野。我覺得每一個媽媽都係最清楚自己嘅BB,可以參考或者聽其他媽媽嘅意見,比啲信心自己、相信自己。仲有每次準備野食比BB,見到佢地鐘意食或者唔鐘意食對於媽媽黎講都係一個鼓勵。下一次再同大家分享一下我平時整啲咩比Marvin食,大家又可以交流一下~

幼兒加固 - 鐘意食野嘅小朋友

==============================

Text & PhotosDoris

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Share to Facebook