【懷孕過程】媽媽的好奇|好奇寶寶在肚內做甚麼?40週的變化過程~

【懷孕過程】媽媽的好奇|好奇寶寶在肚內做甚麼?40週的變化過程~

爸媽分享 孕媽Daily
ByMatt豬媽媽 on 22 Oct 2019

唔知有無媽媽同我一樣成日都會諗BB係肚入面做緊咩呢?BB會唔會好悶呢??哈哈~~
自從20週左右開始感覺到胎動 (一般18-24週開始感覺胎動,第二胎的媽媽可能會更早),每次當BB 有郁動個陣,我都會問下佢做緊乜呀你?係度游水呀?打功夫定係跳舞呀?(媽媽幻想中^^)因為早期BB仲細時,肚子裡絕對有足夠位置比佢游黎游去,花式都得呀!不過可能仲細,所以媽媽既感覺唔會太大的~
開始感覺到胎動時,都代表著BB已經漸漸成長,開始會做出唔同動作啦~此時媽媽都會同BB更多的心連心感覺,好幸福的呢!

懷孕過程 - 寶寶在肚內做甚麼

懷孕中期 14 - 27 週:開始識啜手指、吞吐羊水、打喊露、打嗝、緊握拳頭、聽聲音
BB打嗝(即打C egg) 最明顯的,初初都擔心佢會唔會辛苦/有問題呢?但原來同大人打嗝唔同架!胎兒21週左右開始會吞吐羊水去幫助肺部氣囊發育、練習呼吸動作為出生作準備,每次持續時間為3-15分鐘,後期會出現更多次數~
所以媽媽們不用太緊張,只需要輕輕地撫摸肚子,好快就會無事的~

至於啜手指、打喊露應該要照超聲波先可以見到既畫面,但我每次產檢時都未見過呀><
只見到BB係到做yoga咁,雙腳仔好鍾意屈起,成隻蝦仔咁,柔軟度100分!哈哈

懷孕過程 - 寶寶在肚內做甚麼

懷孕後期 28 - 40 週:做運動、活動筋骨、練習開合眼睛、玩臍帶、感覺到光線
懷孕中後期,BB每日既胎動已經有規律,而且動作都變得好靈活喇!媽媽係唔係感覺到肚入面有時會好似地震一樣,翻天覆地嘅胎動呢?其實係BB係度伸展筋骨、手掌、手腕、腳同埋腳趾,佢地仲可以係肚入面反轉身體,腳仔亂踢一通!

另外佢地仲有鍾意玩臍帶,圍住臍帶轉圈,呢個亦都係點解咁多BB俾臍帶纏繞嘅原因,所以要定期產檢查一下喔!

到咗懷孕後期,BB已經清楚感覺到光線,會成日轉動眼睛,練習開眼、合眼,為出生之後適應外界做準備!

廣告
廣告

得閒睇下關於懷孕過程既不同資訊,真係孕期都會過得快D又輕鬆D!準媽媽們加油呀!!
開心SHARE 一下以下網址,希望可以解決&滿足各位懷孕中媽媽的各種好奇心/疑問等等 ! 睇完人都開心D架~

謝謝收睇喔

==============================

Text & Photos:Matt豬媽媽

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Share to Facebook