【湯水分享】清熱補脾 印度椰子蘋果雪耳素湯

【湯水分享】清熱補脾 印度椰子蘋果雪耳素湯

爸媽分享 健康食譜
By小小豬Kinsey on 04 Oct 2019

前幾日奶奶嚟食飯買咗好多生果嚟俾小小豬,見有兩個蛇果就當然又戚起條根想用嚟煲湯。

就係咁我就買多粒印度椰子,再加埋雪耳同紅蘿蔔,就嚟一個清熱得嚟又可以補脾,仲要加埋雪耳嘅潤,真係好啱依家天氣飲呢~

湯水完成品

印度椰子一個、蘋果兩個、紅蘿蔔一條、漳州雪耳一両、淮山一両、乾百合一両、南北杏一湯匙、腰果約一飯碗及蜜棗2粒~

湯水材料,印度椰子一個、蘋果兩個、紅蘿蔔一條、漳州雪耳一両、淮山一両、乾百合一両、南北杏一湯匙、腰果約一飯碗及蜜棗2粒~

印度椰子洗淨切條~

湯水步驟:印度椰子洗淨切條~

雪耳浸透,然後剪去硬蒂~

湯水步驟:雪耳浸透,然後剪去硬蒂~

切蘋果前用刀刮走面嗰一層果蠟,然後去核及切塊~

湯水步驟:切蘋果前用刀刮走面嗰一層果蠟

湯水步驟:然後去核及切塊~

紅蘿蔔洗淨去皮切件~

湯水步驟:紅蘿蔔洗淨去皮切件~

其他藥材及腰果浸洗一陣~

湯水步驟:其他藥材及腰果浸洗一陣~

煲內放約3L水,待滾後加入所有材料(雪耳除外)~

湯水步驟:煲內放約3L水,待滾後加入所有材料(雪耳除外)~

繼續用大火加蓋煲約15分鐘~

廣告
廣告

湯水步驟:繼續用大火加蓋煲約15分鐘~

然後加入雪耳~

湯水步驟:然後加入雪耳~

再轉慢火加蓋煲多1.5小時~

湯水步驟:再轉慢火加蓋煲多1.5小時~

最後加少少鹽調味就飲得啦~

湯水步驟:最後加少少鹽調味就飲得啦~

以下係各食材嘅功效,可以參考一下呀(網上資料)

印度椰子 - 具有清心潤肺、化痰止咳、滋陰補腎、美白養顏及強壯身體機能。

蘋果 - 具有生津止渴、潤肺除煩、健脾益胃、養心益氣、潤腸、止瀉、解暑等功效。

紅蘿蔔 - 就有助健脾消食,同埋化痰解毒。

雪耳 - 有助潤肺、潤膚同養顏嘅功效。

乾百合 - 能夠解毒、安神、治療咳嗽失眠,對女性來說還能夠很好的抗衰老。

南北杏 - 可止咳下氣,潤燥消積。腰果 - 能夠健脾補腎及止久渴。

蜜棗 - 止咳潤肺、化痰平喘功效。

溫馨提示:
- 由於個別人仕體質不同,所以大家記得煲之前了解下自己,如有疑問,請先向註冊中醫查詢!
- 雖然雪耳係好味又有益,不過都要再提多大家煲過嘅雪耳一定要即日食/飲晒,如果隔夜,經過一夜嘅浸透,佢就會放出一啲有害物,到時就有益變有害啦!

Text & Photos:小小豬Kinsey

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Share to Facebook