【孕期營養】準媽媽擔心自己不夠營養給胎兒?孕期營養補充品篇~

【孕期營養】準媽媽擔心自己不夠營養給胎兒?孕期營養補充品篇~

爸媽分享 孕媽Daily
ByMatt豬媽媽 on 02 Oct 2019

Matt豬媽媽都算係半個過來人,懷孕初期胃口會唔好/嘔吐嚴重都一定會擔心個胎健康,驚BB吸收唔夠營養等等⋯
今次想分享下懷孕期裡面除左早午晚餐以外我會補充營養既食物呀~
PS:個人唔會過份補給,均衡健康最重要!目標肥B不肥媽^^

孕期營養 - 擔心胎兒不夠營養

1. 惠氏 Materna (適合整個懷孕期)
首先係維他命,相信好多媽媽都一定會有食唔同牌子既維他命丸,而我就由一開始懷孕就食惠氏Materna 到而家30 weeks喇,一粒有多種維他命加礦物質,同埋葉酸含量足夠每日所需,每日一粒唔洗再額外食其他!如果有去健康院仲可以免費開比你的(可以慳返小小~)

 

2. Enfinitas 媽媽藻油DHA 

懷孕媽媽每日建議吸收200mg DHA,為BB腦部和免疫發展提供關鍵的營養成份。但日常飲食當中,要攝取到足夠份量比較難,所以我都係由一開始就食藻油DHA膠囊,每日一粒足夠懷孕和哺乳媽媽所建議的每日攝取量。

醫生有講,懷孕期頭三個月胎兒主要靠supplement吸收營養,所以經常孕吐無胃口既媽媽都唔好太擔心,食足夠維他命補充都可以。
3. 燉肉汁 (新鮮瘦豬肉/牛肉)

除左維他命/DHA膠囊,我間中一星期都有燉肉汁飲下,營養價值都唔錯,自己整又簡單健康!
4. 滴雞精

如果好小煲湯水,我覺得滴雞精都係唔錯既選擇,勝在夠方便唔洗自己煲又唔怕油膩!獨立包裝放入熱水到加熱就可以飲啦,我多數朝早飲完出門口的。

孕期營養 - 6個補充方法

5. 燕窩/冬蟲草 

廣告
廣告

過左5個月後有食下燕窩加冬蟲夏,兩星期一次左右(如果有婦科瘤就一定唔可以食呀),適量食用都有助增強抵抗力同吸收營養的(坊間都有好多有關好處/壞處不同說法,所以都係取決自己接受哪種說法)

蔘茸海味補品,一直我都唔建議食太多,因為過份進補BB未必吸收之餘又會令媽咪體重加快上升都唔係健康既事呀!每人體質都唔同,進補前一定要咨詢醫生了解清楚先食呀 !

 

 6. 其他日常返工會食的營養食物如下:

鈣質:鈣思寶、安怡奶、脫脂奶、小魚乾

零食:合桃、果仁、紅莓乾、提子乾、即沖蕎麥片/麥皮、榖麥餅

飲品:無糖果汁、豆槳、檸檬水

生果:奇異果、香蕉、蘋果、橙、提子、火龍果
懷孕係一件幸福的事,所有準媽媽都要一齊加油呀!
懷孕期一定要開心渡過!好好ENJOY^^

==============================

Text & PhotosMatt豬媽媽

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Share to Facebook