【懷孕疑問|大肚到底可以搭飛機嗎?有甚麼需要注意?】

【懷孕疑問|大肚到底可以搭飛機嗎?有甚麼需要注意?】

爸媽分享 孕媽Daily
ByMatt豬媽媽 on 20 Sep 2019

台北生日之旅變成了⋯⋯BABY MOON之旅~

未出發前我都係好矛盾 15/16,究竟大肚去唔去旅行好呢?搭飛機怕唔怕架?幾多週去先最好呢?有咩要注意呢?⋯⋯

156897553931111

話說係年頭未有Matt豬之前已經買左機票8月頭去台北慶祝生日的 (趁未有bb真係要去多d旅行丫!)

之後4月頭就發現懷孕,但當時都仲未決定去唔去旅行好,因為距離出發仲有成4個月,好多野都未穩定住。所以諗住等個胎慢慢穩定,同埋驗哂唐氏綜合症+照埋結構再作決定啦!而老公同家人方面都係等我話事,佢地無意見!(但原來係3月29-4月2既泰國旅行中已經有左BB)個陣完全唔知呀,亳無避諱之下日日做spa、按腳、飲下酒、食辣野,連椰青菊花茶都飲過><. 諗返真係好好彩無事、無影響BB咋!!超感恩x10000!!
途中我當然有上網睇下人地點講,問下朋友意見咁啦,有人話大肚去旅行放鬆心情同埋bb出世後更難去,有人又話大肚去好危險好多野估計唔到唔好去啦,所以答案都係一半一半。

**而我最後選擇左照去既原因有以下幾個:

1. 最緊要係問過自己既醫生先,佢話「只要懷孕情況穩定(無唔舒服/無流血、流啡/胎位正常等等),搭飛機係唔會影響BB的,唔洗擔心」仲話我台北咁近都唔算係咩旅行啦 哈哈

2. 出發時已經夠21weeks,踏入穩定期,懷孕4個月至6個月,係最適宜旅行既時間。而懷孕頭3個月,係出血/流產風險最高的時期,所以一般都唔建議孕婦喺呢段時間去旅行。

3. 身體同行動都無問題,而且胃口都正常返,唔會太辛苦。

4. 買左機票唔想改,好想去個Babymoon放鬆下,為孕期留返一個美好回憶!又可以邊旅行邊影下大肚相 yeah!

**特別要注意既事:

1. 出發前叫醫生寫懷孕證明,因為上機時航空公司可能會要求妳出示的

2. 一定一定要記得買保險!

廣告
廣告

3. 出發前check下當地情況(會唔會打風/爆發病毒/有無示威遊行等等)

4. 最好揀d近&醫療設備先進既國家,有咩事都會安全d!

5. 揀機位時,最好揀走廊位&近廁所,大肚婆方便d!

6. 唔好太放縱亂食野,避免肚痛肚屙呀就麻煩呀!記得要飲多d水!

總括都係安全至上最緊要!行程唔好太過緊密,開開心心出發去babymoon啦!

最後分享一下幾張係酒店房老公幫我影既孕照 (滿意^^)

懷孕小確幸,望住d相都有種說不出的感動!大家係咪一樣呢?

所有準媽媽都要一齊加油!懷孕期一定要開心渡過!好好ENJOY^^

==============================

Text & PhotosMatt豬媽媽

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

 

Share to Facebook