【懶人推介 - 懷孕期早餐篇 簡單又容易整】

相信好多媽媽得知自己懷孕之後都會改變飲食習慣，注重飲食健康，想食多啲健康食物比BB吸收～(母愛的開始)

Photo from MamiDaily

不過在職媽媽又好難餐餐都食得咁健康（包括我自己，哈哈），平時一至五返工，早餐都只可以簡單食個包、烚隻蛋、飲包奶～
但開頭日日食烚蛋、飲奶真係食到想嘔，之後都頂唔順>.< 所以由飲奶轉左飲乳酪（一樣有鈣質），烚蛋轉左煎蛋／炒蛋（蛋白質）>>講返先，我懷孕期中唔係一個迫自己介得好清既孕婦^^ （只介咖啡、刺身、有冰飲品、軟雪糕），其他樣樣都會食啲，只要唔好過量就ok的！因為十個月流流長，如果迫自己介口會好辛苦同唔開心架！由其是初期無胃口、口味轉哂，媽媽更加要食啲自己想食既野(KEEP住唔好跌磅更重要)，頭3個月BB都可以靠補充品吸收營養（Materna、DHA藻油丸等等），唔洗太擔心的！

所以只有Weekend先可以自己煮早餐同BB慢慢嘆同健康啲，以下就係平時我整既早餐喇，超級易整～～快、靚、正！懶人無籍口唔識整啦＾＾

1. 烘底方包兩塊配煉奶／芝士（搽完牛油可以用多士爐／煎pan烘）＋烚番薯＋煎蛋＋乳酪一杯
2. Pancake配jam（係吉之島買粉加水開完就煎，好易的）＋牛油果整成醬＋烚蛋
3. 蒸燒賣＋鮮奶
4. 蛋花煮麥皮＋烘藜麥吐司（美心買，烘完都好軟既包，好正）
5. Pancake配麥糖／Jam＋煎蛋＋純鮮奶
6. 烘底方包兩塊配煉奶或芝士（搽完牛油可以用多士爐／煎pan烘）＋煎蛋＋奇異果＋乳酪一杯
7. 牛油果蛋沙律芝士麥方包＋子母奶
8. 烘藜麥吐司（加片芝士／搽煉奶）＋腸仔＋烚番薯＋煎蛋
9. 維記鮮牛奶乳酪（有青蘋果／橙／桃味）

睇完之後係咪覺得全部都無難度、好簡單呢？哈哈～基本上都係啲簡單配搭（所以話係懶人推介），但就多數會有蛋同奶類。另外大家可以係早餐加多份生果一齊食更健康，又可以幫助排便！
飲品方面：鮮奶（怕肥可飲脫脂奶）／乳酪／熱華田／果汁／鈣思寶／豆漿等等
反而我早餐就無肉類咁制 haha，火腿／腸仔間唔中食，因為煮肉比較麻煩嘛（午／晚餐先食）！

以上文章純粹本人意見，沒有廣告成份的～
大家可以自行評估適合／不適合喔～～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text：Matt豬媽媽 

Photos：Matt豬媽媽 , MamiDaily

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！