做家務身體或更健康 仲可以延長壽命？

除咗湊B外，每日最攰就係要做家務！有時真係攰到想唔洗衫、唔洗碗，不過作為人哋媽媽、老婆，最後都敵唔到過責任做好晒啲家務。各位媽媽唔使咁灰住～ 事關近日有研究指出原來日日做家務，有助降低早死風險！

Photo from MamiDaily

呢項由挪威奧斯陸大學體育科學學院領導嘅研究，佢哋搵咗36,383個40歲或以上嘅成年人參與呢次嘅評估實驗。研究人員追蹤佢哋日常生活同活動接近6年，並根據佢哋啲活躍程度分成4組，最後分析佢哋嘅健康狀況搵出結果。

結果顯示，相比活躍程度最低嘅組別，屬於最活躍組別嘅參加者，死亡風險減少73%。第二活躍組別減少66%；第三活躍組別減少52%，而呢個組別嘅參加者每日都會進行60分鐘嘅溫和活動或者5分鐘中度強度活動。而研究人員指所謂溫和活動可用做家務代替，好似吸塵、煮飯、洗碗等都一樣得！

Photo from MamiDaily

研究人員表示，任何強度嘅活動都有助降低死亡風險，就算只係做家務或者急步行一樣得，證明有活動好過咩都唔做！不過佢哋同時指出，如果想身體更健康，建議每日最少做24分鐘嘅中等強度活動。

Photo from MamiDaily

另外，坐喺到工作嘅人士要注意，每日坐足9.5小時嘅話，早死風險或會增加2倍，仲會有心臟病、肥胖、糖尿病、癌症等風險！

Text：Mami Editorial