二胎媽媽驚現巨肚 腹中抽出3kg液體 險流產

一位懷有第2胎嘅26歲媽媽，喺懷孕3個月嘅時候，發現個肚好似充咗氣咁，不停膨脹。到醫院檢查後發現患上卵巢囊腫，最大直徑達25厘米，需要進行手術吸出3公斤囊液。

Photo from MamiDaily

淮安一位26歲張姓女士，懷上第2胎。由於第一胎非常順利，BB健康成長，於是張女士認為自己有經驗，而且充滿信心，因此未有進行任何孕檢項目。日前，懷孕3個月嘅張女士發現自己個肚好似充咗氣咁快速膨脹，於是去醫院進行檢查，結果發現張女士腹中有個裝滿液體嘅巨大卵巢囊腫。

Photo from MamiDaily

醫生指囊腫仍然生長中，若果唔及時處理，唔單止會影響張女士嘅呼吸，仲有可能會導致子宮空間不足而令胎兒流產，於是迅速為張女士進行手術。醫生喺張女士腹部抽出約2500毫升，有成3公斤重嘅液體，並懷疑張女士體內嘅囊腫喺懷孕前已經存在，只係因為一直冇做檢查，先會察覺唔到。又指懷孕期間做呢類手術，風險比一般患者高好多。認為即使有冇懷孕經驗都好，都必須定期進行產檢，保障自己同胎兒嘅安全。

Text：Mami Editorial