女嬰臉上驚現5cm裂痕 母疑剖腹失誤所致

一位23歲媽媽，喺上年4月剖腹生BB。BB出世後，發現佢鼻上有一條5cm長嘅裂痕，醫生指BB天生臉部畸形，最少需要接受3次整形手術，進行修復，更可能會留下永久疤痕。而媽媽則認為疤痕是醫生為佢進行剖腹手術時，用手術刀割傷所致。

Photo from MamiDaily

英國一名23歲媽媽 Amber Woollard，上年4月，剖腹誕下BB女。不過發現BB女一出世，鼻下面就有一條5cm嘅裂痕。當時醫生向 Amber Woollard表示，因為胎兒喺子宮位置唔正確，所以導致天生臉部畸形，並且需要接受最少3次整形手術修復，更可能會留下永久疤痕，令Amber Woollard感到非常難過及自責。

後來一位助產護士見到BB女臉上嘅疤痕，則向Amber Woollard詢問，並指根本冇可能係因為胎位不正所致。懷疑疤痕係醫生為佢進行剖腹手術時，用手術刀割傷所造成。後來Amber Woollard帶女兒去進行整形手術時，整形醫生亦指，BB喺子宮內，唔會有嘢可以喺佢嘅臉上割到咁深嘅傷口，異口同聲地認為BB女嘅疤痕，係醫生失誤所致。

Photo from MamiDaily

對於女兒留下永久疤痕，Amber Woollard指對國民保健署（NHS）失去信心，唔會再相信佢哋，並決定向醫院提出索償。但醫院堅決否認BB女臉上嘅疤痕係醫生剖腹時所致，又表示一早已經同Amber Woollard解釋清楚。

Text：Mami Editorial