智商高嘅小朋友因為爸爸陪得多？

香港好多家庭都係雙職父母或者「男主外、女主內」，好多人完成一日工作已經好攰，返到屋企往往都忽略咗同小朋友相處嘅時間！其實小朋友真係好需要同時亦好渴求爸爸媽媽嘅陪伴，近日更有研究指出父親嘅陪伴係有機會影響仔女嘅智商。爸爸冇藉口唔分多啲時間畀小朋友啦！

Photo from MamiDaily

呢項研究由英國紐卡斯爾大學負責，相關嘅研究人員搵嚟超過11,000個1958年出生嘅當地男女，追蹤佢哋長達近半個世紀，觀察佢哋同小朋友嘅相處時間及訪問母親並作分析。

Photo from MamiDaily

結果發現，爸爸參與愈多嘅親子活動，好似瞓覺前講故事、同佢哋一齊玩遊戲、去效遊等，對小朋友嘅智商發展都愈有幫助。而呢個結果喺30年後都仲依然冇變，事關細個得到父親多陪伴嘅人，長大後仲會有社會階層向上流動嘅現象。

Photo from MamiDaily

領導呢項研究嘅博士Daniel Nettle表示，對於研究結果非常驚訝，估唔到喺爸爸身上獲益嘅小朋友以及較少時間得到父親陪伴嘅人兩者可以有咁大差異！無論係爸爸定媽媽，小朋友都需要你哋嘅注意力，多啲陪佢哋玩啦～

Text：Mami Editorial