【令小朋友快樂成長 學下丹麥人嘅生活態度同湊仔方法】

而家超人妻近期多咗體育兒嘅書，尤其是係北歐人點樣育兒。得出嚟嘅結論係，其實越少玩具越好，反而多啲戶外時間小朋友，更加開心，更加健康。

家長們甚至四大長老通常都好怕小朋友冬天凍親；夏天曬親易中暑。但係其實無論晴天雨天都畀小朋友有充足嘅戶外時間，反而會訓練小朋友克服困難嘅能力， 將來長大成人之後 更加能夠面對生活中帶來嘅種種挑戰，得到情緒病嘅機會亦大大減少。

丹麥人好著重比小朋友無拘無束咁樣玩，佢哋會覺得家長嘅態度尤其重要。唔好少少嘢就神經緊張。「唔好掂呀！唔好跑呀！」

另外值得一提嘅係丹麥人對於生活普遍都存有好正面嘅態度，所以佢哋呢一種嘅態度，潛移默化地令到小朋友非常正面。 例如如果出面天氣唔好，大人嘅言語間會話起碼自己返工至嚟落大雪。

如果小朋友整親，佢哋會阿q精神咁講「起碼唔係整親個頭要入醫院咁嚴重。」

所以書中作者話丹麥人嘅快樂指數咁高就係咁解，細路仔嘅童年亦都係非常開心。而且作者亦都有觀察到丹麥嘅小朋友，相比起亞洲和美加嘅小朋友 ，好少喺機場或者飛機到大吵大鬧通常佢哋都好平靜，好滿足咁樣自己畫畫 ，應該係同丹麥人嘅育兒方法有非常大嘅關係。

=========================================================================================================================================

喺度要多謝比卡超爸爸介紹呢一本書， 令到我睇完有好深嘅體會，希望喺度同各位香港媽咪分享。

香港近排太多負能量，希望大家都能夠畀多啲正能量屋企人，尤其是小朋友，畀佢哋一個開開心心嘅童年。我哋每一分每一秒講嘢同生活態度，小朋講嘢同對於生活嘅態度小朋友其實都喺度觀察緊模仿緊。

Source: The Danish Way of Parenting

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：比卡超人妻

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到：[email protected] 我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！