為省錢救患癌女 母親3年不買衛生巾

貴州一對龍鳳胎，3歲大嘅女兒不幸患癌。媽媽為咗節省開支，呢3年嚟唔單止經常行1個鐘去買平價尿布，更向店主拎試用裝尿布，留畀自己每個月來月經時使用。

殷女士育有一對龍鳳胎，一家4口住喺一個唔夠8平米嘅地方，靠住老公每個月千幾元嘅收入過日子。其中3歲大嘅女兒不幸患上肝母細胞瘤，醫生表示前期治療最少需要幾十萬。對於家境清貧嘅殷女士嚟講，絕對係一個十分龐大嘅金額。

Photo from MamiDaily

殷女士指，本來為咗慳1年學費，所以安排兩個小朋友下年先開始讀書，目前已儲了二千元。但女兒突然患癌，所以冇辦法讀書，而兒子亦表示唔去讀書，自己亦冇錢畀兩個小朋友讀書。

為咗儲錢醫治女兒，殷女士除咗節衣縮食，連應付日常生活亦「慳得一蚊得一蚊」。殷女士指：「我哋都冇乜點用錢，平日就係買啲菜食，仲要交租。唔會帶小朋友出去，怕佢哋見到玩具、見到嘢食就話要買。」

唔帶小朋友出去，可避免不必要嘅支出；而購買必需品，殷女士亦想方設法慳到盡。

殷女士為咗慳錢，經常都會一手抱住兒子，一邊背住女兒，行1個鐘去買平價尿片，並且向店主索取試用裝尿片，留畀自己月經時使用。殷女士指，呢3年嚟一直都係以試用裝尿片代替衛生巾，因為冇錢先迫不得已咁做。

Photo from MamiDaily

網民得知殷女士情況後，紛紛表示願意捐款幫助、寄玩具畀兩個小朋友，更提議殷女士使用月經杯取代衛生巾。

Text：Mami Editorial