湊仔壓力上升瀕爆煲 父母每日焦慮40分鐘

照顧小朋友可謂天下間最困難嘅事！父母一方面要留意佢哋有咩需要，另一方面為亦要照顧好自己嘅情緒，以免將負能量錯誤發放。不過無論忍耐力有幾強，父母都敵唔過孩子嘅破壞力！近日一項近研究發現，爸爸媽媽每日最少為仔女情緒崩潰6次。究竟係咩一回事呢？

Photo from MamiDaily

據英國媒體《The Independent》報導，汽油應用程式BPme搵咗2000對當地父母參與研究，目的係搵出大人喺湊住小朋友時所得到嘅煩惱。結果指出，最多家長認為幫小朋友沖涼、?瞓覺、叫佢哋做功課同埋減少佢哋嘅屏幕使用時間呢啲日常小事，令佢哋感受到好大壓力。

Photo from MamiDaily

研究報告又指，父母認為一日最少會有6次崩潰時刻，同時估計每日最少有40分鐘感到焦慮。大多數嘅家長認為小朋友去到5歲時係最曳，令佢哋生活壓力達至頂峰！另外，報告仲發現小朋友經常搞搞震嘅地方有46%係喺屋企、13%喺商場，餐廳就佔10%。

Photo from MamiDaily

超過一半嘅父母認為自從有咗小朋友，一啲好簡單嘅小事都需要用更多時間，好似朝早幫仔女著衫已經要用多11分鐘、因為小朋友食早餐時搞搞震要浪費12分鐘。佢哋一致認同需要多啲時間休息同埋私人時間。

Text：Mami Editorial