寶寶反叛時 究竟爸媽要點做？

仔女反叛時，為人父母就係唔知點算好，除咗提自己要冷靜，有時仔女嘅情緒都令人好不解。但爸媽都係人，要好好控制自己情緒未必係易事。若真係要面對挑戰自己底線時，究竟爸媽有咩可以做？有咩唔可以講呢？

切記順住仔女

唔好寵壞，大家可能都知係老生常談嘅道理。但有時情緒來了，或者心情厭煩時，真係會拋出一句「是但喇！」、「你唔要，就唔好食喇～」或者「 你要玩，就比你玩喇」雖然解決咗霎時嘅煩擾，但係結果只會令仔女變本加厲，令佢哋覺得，只要我嗲吓／惡吓，我都可以得到自己想要嘅嘢，到大個嘅時候，如果仔女想要嘅嘢多咗，但你做父母畀唔到，佢就會好惡，後果不堪設想！

切忌責怪自己

有時見到人哋嘅仔女乖乖聽話，自己個個就話極都唔聽，都會諗下係唔係自己咁唔識教。但其實不斷責怪自己絕對如事無補，反而容易令情況變差。當下唔係要責怪自己，而係要自我反省，應該要想，若過下次出現應該要點樣做先最好呢～爸媽面對小朋友無理取鬧，可以畀小朋友選擇並加條件，例如：你要玩定食飯？如果選玩，只可以玩1分鐘；但如果你食飯嘅話，食完飯就可以玩半個鐘！

可以「逃避」一下

依度講嘅「逃避」係指暫時抽離當下問題。當小朋友曳曳時，爸媽可能會情緒好差，如果要加上自己情緒再去處理小朋友問題，可能會得不償失，而且小朋友都有可能聽唔入耳。所以爸媽可以先忽略小朋友行為，當下「逃避」一下係會對事情便好，但仍然要判斷孩子嘅行為係咪會傷害自己同其他人，雙方冷靜後再同小朋友傾傾啱啱嘅事，說說教～

Text & Photos：mamiDaily