媽媽捐肝救病危子 賜予BB「第二次生命」

早前，杭州一名患有先天性疾病嘅2歲小朋友由家人帶住佢四出求醫，可惜多次向專家、醫院求助亦無果。鑒於孩子嘅病情實在太嚴重，馬上進行肝臟移植係唯一嘅解決辦法。

Photo from MamiDaily

據《錢江晚報》報導，呢個2歲嘅小朋友糖糖喺出世後一個月被確診為「先天性膽道閉鎖症」。患此病者肝內外膽管被阻塞，令到肝內產生嘅膽汁唔可以排入腸道，嚴重或會導致肝功能衰竭。糖糖嘅家人帶住佢去大城市嘅醫院，但北京同上海嘅專家認為佢嘅病情未能靠藥物醫治，必須要馬上進行肝臟移植！

及後，糖糖嘅病情愈嚟愈嚴重，不但因肝硬化未能進食，面色亦愈來愈黃，肚子亦脹大！糖糖媽媽則進行肝臟配型檢測，最後成功符合配型，結果令人驚喜。

Photo from MamiDaily

7月中，經過長達12小時嘅肝臟移植手術及45小時嘅觀察，糖糖終於可以轉往普通病房，醫生同護士仲送咗啲棒棒糖畀佢㖭！糖糖媽媽指，2年前佢係順產的，經過今次嘅手術，將自己嘅一塊肝臟捐畀囝囝，實在感恩。雖然肚上面多一條疤，不過就當今次係剖腹產子，生多佢一次，希望「第二次出世」嘅糖糖能夠健康快樂成長。

Text：Mami Editorial