【捐贈玩具環保又有教育意義～一齊教BB將唔要嘅玩具回收】

好多人話養個BB都已經係一件好唔環保既事，但係諗下仲有好多野都可以做到環保，依加菠蘿包出街轉左用沙巾抹咀仔手仔，減少用濕紙巾，愛護地球從小開始！

菠蘿包大部分既玩具，衫仔都係親戚朋友既BB玩／著完比菠蘿包著，仲係著得玩得緊係唔好浪費啦！

最近係網上發現左一間綠色小腳板既明愛轄下綠色社會企業，透過回收bb既二手用品翻新後義賣支援未婚媽媽／年青媽媽自力更新！

可以話幫到有需要既媽媽又可以為環保出一分力！

菠蘿包有幾件用品已經唔用了，所以菠蘿包爸拎去門市捐比佢地。

菠蘿包爸上到去見到有好多玩具，有啲係全新、有啲係二手，可惜當日菠蘿包媽有事黎唔到呀⋯⋯

如果唔係我就會去尋寶，搵日真係要去下先得！

可以留意住佢地既facebook定期更新玩具/用品比客人留貨，不過要眼明手快，好多一放上去無耐就已經比人打電話去留貨！

個po除左有相仲會有詳細介紹！

如果你有想捐既用品可以pm佢地會唔會接收，因為空間有限有機會接收唔到大型物品！

綠色小腳板

地址：荔枝角香港工業中心C座3樓15A室

電話：34264584

時間: 星期一至日上午10時至下午6時(公眾假期休息)

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos： 菠蘿包媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！