【極速學習 唔好睇少帶Ｂ落街學野的威力】

毛爺９個月大，我每日都會堅持帶毛爺落街，正值係夏天，日照時間比較長，到7點先慢慢天黑，一般我都會5點幾6點先出發，等天氣冇甘熱，大人小朋友都會舒服點～

而每次落街都必經１個花槽，每次經過我都傻婆上身，不停指住黎講：花，一朵花

大概第４次經過同１地方，毛爺就主動指住D花，果刻真係好好好好開心～

除左知咩叫＂花＂仲學識左用手指指野

因為好多人都會覺得佢仲甘細個邊度會聽得明你講野？！

但我堅信小朋友係天生的學習者，只要比耐性多同佢講多比佢接觸，佢地係可以好快學識新事物的！今次就証明左喇

按我睇片|睇下我點樣吸引毛爺學野

其實帶佢地親身接觸實物，比佢用眼用鼻用耳用最真實的感受去觀察

而活生生的真實感受，會帶來抗拒唔到的好奇心♥

唔只可以推動BB學新事物，印象仲會好深刻

因為當佢全情投入去觀察，就係最入到腦的好時機

書本固然重要，培養閱讀習慣都係必須的，但都唔好睇少帶佢地落街學野的威力

要好好利用抗拒唔到的好奇心！

無錯！其實唔止毛爺要學講野，其實我自己都要學點同毛爺溝通

都係離唔開要多同佢相處同估估下，係半了解半估估下的情況下

先易Ｄ明白佢想表達Ｄ咩，估中的機率先會大

而每次我地兩個係度互估時，毛爺都好開心，當然好多時都真係唔知佢想表達Ｄ咩

大人們不妨利用你的想像力繼續同佢講野（我經常都自問自答≧◉◡◉≦）

只要你不停講，係可以令佢表達更多野

按我睇片|睇下我點同９個月大的毛爺溝通

現世代，除左學歷之外，懂得溝通善於表達都十分重要，你都試下同你的BB一齊估估下♥

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：我愛攣毛哥

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到：[email protected] 我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！