女兒成功靠媽媽無時無刻嘅提醒？

做咗媽媽後，關於仔女嘅嘢乜都會擔心一餐，關心多句又怕佢哋覺得自己好煩。各位媽媽有個好消息要同大家宣佈：有研究證實嘮叨嘅媽媽會令女兒長大後更成功。依家真係有藉口同佢哋講多幾句啦！

Photo from MamiDaily

英國埃塞克斯大學（University of Essex）嘅研究人員進行咗一次為期六年嘅調查，佢哋分析咗超過15,000名13至14歲少女喺呢段時間嘅日常生活。結果發現，喺青春期不斷被「長氣媽媽」嘮叨嘅女仔長大後更為成功。

Photo from MamiDaily

所謂嘅嘮叨當然唔係指喺生活上將小事化大嘅說話，而係就住父母為孩子喺唔同方面訂立嘅目標出發。每當佢哋做唔到某啲要求時，媽媽就會對證下藥話畀佢哋知有咩要再做得好啲。雖然佢哋睇落好似無動於衷，但研究人員表示，雖然囡囡當媽媽嘅說話係耳邊風，但潛意識有記住佢哋講過嘅說話，不知不覺間就會跟住嚟改善。

Photo from MamiDaily

研究亦證實，佢哋嘅學業成績表現突出，較易升讀大學，令佢哋獲得高薪厚職嘅機會更大！另外，有住媽媽無時無刻嘅提醒，令到佢哋喺青少年期間懷孕嘅機率降低4%。各位媽媽以後要繼續關心子女啊！

Text：Mami Editorial