【內附完整清單】蚊患指數飆升 17區超出警戒水平

食物環境衞生署喺昨日公布，上月份全港白紋伊蚊誘蚊產卵器指數由5月份的11%上升至16%，顯示監察地區內白紋伊蚊滋生嘅情況略為普遍。

上月喺57個監察地區中，有17個地區嘅指數都高於20%嘅警戒水平。分別係馬鞍山（42.2%）、深水灣及淺水灣（30.4%）、黃大仙中（30.4%）、禾輋（30.3%）、九龍灣（27.2%）、何文田（25.9%）、北角（25%）、牛池灣（25%）、掃管笏（24.5%）、荔景（24.5%）、上水（24.3%）、大埔（23.1%）、九龍城北（22.9%）、尖沙咀東（22.5%）、跑馬地（21.6%）、將軍澳北（21.2%）及大圍（20.2%）。

Photo from MamiDaily

食環署發言人表示，白紋伊蚊係傳播登革熱嘅病媒，亦可傳播寨卡病毒。鑑於去年錄得29宗本地登革熱個案，而世界衞生組織近日亦發出警告，指今年亞洲地區錄得嘅登革熱個案數字，較往年同期異常地高。另外本港上月錄得1宗日本腦炎本地個案，加上時值夏季多雨亦有利蚊子大量繁殖，市民須與政府同心協力，持續做好防蚊及滅蚊工作。而食環署亦將於8月展開第3期全港滅蚊運動，為期12個星期。

Photo from MamiDaily

另外，署方亦提供了幾個防蚊貼士畀大家參考：

1. 市民應做好家居防蚊及滅蚊措施，包括視察家居及附近環境、徹底清除可供蚊子滋生的地方。

2. 每周最少一次徹底更換花瓶的水及擦洗內壁並清倒盆栽墊碟的水，妥善棄置汽水罐和飯盒等容器，及在棄置的輪胎上鑽大洞等。

3. 市民及物業管理公司，應經常保持溝渠暢通及填平凹陷的地面，以防積水。

4. 每周最少一次以鹼性清潔劑擦洗溝渠和排水明渠，除去可能積聚的蚊卵。

5. 居住在鄉郊地區的人士如有需要，可於門窗裝上防蚊網。

6. 避免長時間逗留在叢林附近、外出時穿上淺色長袖衫和長褲及使用含避蚊胺成分的驅蚊劑等。

7. 外出時在身體外露部分塗上驅蚊劑。

8. 在沒有空氣調節的室內地方，要使用隔蚊簾或蚊帳。

Text：Mami Editorial