照顧過兒子先至知！媽媽6大共鳴位

湊過小朋友，就一定知道湊仔用嘅精力多幾多！而且兒子們多數有好多古靈精怪嘅主意，有時真係激死媽媽。以下呢6件事，照顧過兒子嘅媽媽一定明！

Photo from MamiDaily

1. 突然安靜一定冇好嘢
平時囝囝成日通屋跑，一起身就冇時停，媽媽就算喺廚房煮緊飯都不時豎起耳仔聽住佢哋係出面做緊咩。如果玩玩吓突然冇晒聲一定有古怪，肯定鬼鬼祟祟唔知做緊咩啲壞事！

2. 全屋亂糟糟
唔好以為男生唔係好多玩具，其實剩係車仔都有無限咁多款！一起身食完飯開始玩玩具，成間屋都唔會有路行！直到夜晚瞓覺之前，間屋先至會慢慢整齊返少少。

Photo from MamiDaily

3. 經常受傷
男仔一般都比較好動，令佢哋受傷嘅機會大大提高。囝囝經常擦傷、流血，甚至周身瘀，雖然已經習以為常，不過每次見到啲傷口都好心痛。

4. 愛上男生玩意
鍾意車車、模型等，唔知係咪男仔嘅天性。自從生咗囝囝後，出街見到呢啲玩具都忍唔住留意多幾眼，有時仲忍唔到手買！

Photo from MamiDaily

5. 頭髮長得快
唔知係咪男仔短頭髮，成日要剪頭髮，頭髮長得特別快。然後阿仔可能唔鍾意出去剪頭髮，爸爸媽媽就要親自出馬～ 幫佢恤個靚髮！

6. 變成短跑高手
一帶阿仔出去玩，就好似甩繩馬騮咁通街跑。媽媽望少眼都唔知跑咗去邊，有時仲要追住佢哋瘋狂跑，跑得慢啲個仔都可能會唔見咗啊。

Photo from MamiDaily

Text：Mami Editorial