【經歷咗10月懷胎再加上10級痛 有得揀當然想個女似自己】

坊間有說法認為兒子多數長得像媽媽，而女兒則多數長得像爸爸，個仔似唔似媽媽先不作評論，但個女似爸爸我可以說我家悠姐真係似到無100%都有9成.....

當年生悠姐經歷了28個鐘由人間進入地獄再返上人間的可怕經歷，然後個寶貝女出世後所有人(無錯!係所有!!) 都同你講: 哇!! BB好似爸爸呀~~比較CLOSE的好朋友以為你唔介意地再講多句: 真係搵唔到邊忽似你囉....其實你地知唔知，聽得多其實都真係好HURT架~ 話哂都經歷咗10月懷胎再加上10級痛的生產經歷，個BB竟然係無一忽似你，你叫做媽的情何而堪呢?!

然後媽媽開始期待，BB大大下會慢慢似你，過時過節每當見到男家親戚又會再聽一次BB真係好似爸爸喔，聽到當媽的已經麻目，打後繼續期待BB會越大越似媽媽，一直期待...........4年半後，呢個女依然同爸爸一個餅印....繼續承受悠姐似爸爸的命運。

結論：奉勸各位女兒似爸爸的朋友仔，與其等個女似自己，不如生多個博一博更化算～

悠媽承認是小氣的，有得揀當然想個女似自己啦，係咪先?! 有錯咩??!!

想知道更多親子資訊/ 媽媽扮靚貼士/ 好康情報，歡迎LIKE埋悠媽專頁 - 樂。悠。遊

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：樂。悠。遊

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！