老婆愈吸引 婚姻愈幸福？

人人結婚後都想過得幸福美滿，不過喺日常生活中少不了同另一半有磨擦。近日有研究發現，如果老婆嘅身體質量指數（BMI）比老公低，兩人對婚姻嘅滿意程度都會高啲！

Photo from Mamidaily

呢項由田納西大學（University of Tennessee）進行嘅研究，一共搵咗169對35歲以下嘅已婚夫妻，每半年填一次調查幸福程度嘅問卷，為期長達4年。初步結果顯示，啱啱結婚嘅夫婦喺頭一年特別開心，而結婚時間愈長就愈唔滿意。

Photo from Mamidaily

另外，研究人員發現身體質量指數（BMI）較高嘅男人，喺新婚時期及之後都比較開心。換句說話嚟講，即係老婆嘅BMI低過老公，兩公婆都對婚姻少啲不滿。

Photo from Mamidaily

今次研究嘅結論係，新婚嘅男士覺得佢哋嘅另一半比自己更有吸引力嘅時候，佢哋會更努力維繫婚姻，令雙方關係更甜蜜。而女性認為老公嘅身型、外貌並唔係太重要，佢哋想要嘅只係一個會無條件支持自己嘅丈夫。

Text：Mami Editorial
Source：Univeristy of Tennessee