【分享】語言類Playgroup課程介紹＋好處

坊間愈嚟愈多Playgroup，幾乎係咩類型都有。課程花多眼亂，究竟邊一種適合自己嘅小朋友？接住落嚟會同大家逐類Playgroup分享一下，等各位家長可以了解多少少。

語言類

香港重視兩文三語，父母當然亦希望仔女除咗母語外，更可以從小就開始接觸英文及普通話。而語言類嘅Playgroup多數會透過一啲小遊戲或活動，畀小朋友邊玩邊學。

Photo from Mamidaily

好處

1. 透過遊戲學習，例如唱歌、戲劇等，可以大大提升小朋友學習嘅興趣。學語言最重要係多聽多講，喺老師帶領下，小朋友都會慢慢被影響，習慣用外語溝通。久而久之就會變得大膽，將來即使面對陌生人，都不會害怕或抗拒以英文、普通話等作交流。對於小朋友升學面試有很大幫助。

Photo from Mamidaily

2. 將來小朋友讀書後，大部分學校都會將重點放喺功課同測驗考試上，學習言語溝通技巧及運用，都會相對較少。家長可以藉住畀小朋友上語言Playgroup，培養佢哋對語言嘅興趣，同埋觀察下小朋友嘅語言天份，加以培育。

Photo from Mamidaily

Text：Mami Editorial