download MamiDaily 親子日常 app
【內附影片】女嬰腦部死亡 媽媽不斷痛哭吻別:囡囡係英雄

【內附影片】女嬰腦部死亡 媽媽不斷痛哭吻別:囡囡係英雄

流感
By race.cheng on 23 May 2019

媽媽10月懷胎,大家都會滿心歡喜迎接依個新生命。但事情有時未必會盡如人意,開心幸福嘅生活可能只可以好短暫,一個生命誕生,亦可能=一個生命離去。

美國有位22個月大女嬰Coralynn,因感染流感,引起一連串呼吸道感染,曾經3次心臟驟停,係抗病5日後,被宣佈腦部死亡,媽媽得悉噩耗後,決定捐出囡囡心臟,肝臟同腎臟,救助3個生命,包括2位BB。

The SunPhoto from The Sun

媽媽Meagan憶述指,囡囡患上感冒後,喺晚上出現呼吸困難,隨即入院,但到半夜囡囡大腦開始膨脹,結果發現腦部已經損傷,其後心臟多次驟停,但醫生指爸媽要有心理準備了。結果,做完緊急急救後,Meagan同老公冇收到好消息,並經歷最艱難嘅一日。

「囡囡將會成為其他人嘅超級英雄,會用一顆非常堅強嘅心去拯救其他人。」醫院得知Meagan意願後,安排咗3名受益人,包括一位1歲大男嬰、一位如Coralynn年齡相若嘅女嬰同41歲女士。

The SunPhoto from The Sun

進行移植手術當日,醫院大部分醫護人員都到走廊,變成儀仗隊,全體唱住Amamzing Grace,護送Coralynn,畀Coralynn最後一告別外,同時感謝Coralynn全家嘅愛付出,護送嘅醫護人員都忍唔住流淚。

The SunPhoto from The Sun

當時,Coralynn瞓喺病床到,戴著一頂裝飾著雛菊嘅小針織帽,但同時掛上了數10根電線。到達手術室門口後,媽媽Meagan忍唔住爬上病床,不斷親吻囡囡,同時向囡囡講「You're amazing...You're amazing...」而媽媽嘅哭泣聲更令其他醫護人員不敢直視媽媽。

The SunPhoto from The Sun

媽媽其後係社交網站分享依件心酸片段,但同時鼓勵大家支持器官捐贈「令其他人重拾希望,係人生偉大嘅事,而且,依個選擇令親人仍然喺世上存在」。

The SunPhoto from The Sun

Text:Mami Editorial

Sources:The Sun

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道