【父母注意！】嬰幼兒濕紙巾及搓手液安全清單

除咗紙巾外，相信唔少家長都會帶埋濕紙巾同搓手液出街，用嚟幫小朋友清潔同消毒。不過要注意，有部分產品可能含有致敏成分，容易導致皮膚敏感甚至皮膚炎。日前，世界綠色組織就公布咗第十期正面清單－嬰幼兒濕紙巾及搓手液，為消費者提供一個安全參考。

愈用得多濕紙巾，就代表皮膚吸收嘅化學品愈多。部分濕紙巾更加含有多種化學成分，容易引起接觸性皮膚炎。以香料為例，有美國環保組織指出，香料可能引致敏感、皮膚炎，甚至影響生殖系統，而且有機會含有可能干擾內分泌嘅鄰苯二甲酸二乙酯。

Photo from Shutterstock

另外，經常用喺濕紙巾嘅保濕劑：聚山梨醇酯、表面活性劑、鯨蠟硬脂醇聚醚-12、鯨蠟硬脂醇聚醚-20，喺整作過程中有機會畀二噁烷污染，而二噁烷早已被列為人類致癌物，可導致肝臟、膽囊、皮膚、肺部等器官出現腫瘤。

如果濕紙巾含有害化學成分，一日用多次或多張濕紙巾令皮膚接觸化學品的次數增加，皮膚吸收有害物質並積聚喺體內嘅機會亦相對增加。尤其嬰兒嘅皮膚較成人薄3成，經常使用濕紙巾，即是令嬰幼兒有機會吸收更多雌激素或類雌激素。而長遠過量吸收雌激素，可能會令女童性早熟、月經早到，增加日後患上卵巢癌、子宮內膜癌和乳癌等風險，影響男童日後的生殖功能，甚至出現不育。

Photo from Shutterstock

除咗濕紙巾，美國疾病控制與預防中心亦建議市民使用酒精濃度60至95%嘅搓手液清潔，以確保有效殺菌，預防疾病及防止感染擴散。 中心亦指出搓手液在雙手明顯變髒或油膩時效果不佳，因此建議喺冇洗手液及清水洗手時先用搓手液。醫生又提醒市民選購時，應留意產品標籤，選擇含乙醇嘅酒精搓手液產品，而避用含異丙醇嘅產品，因後者相對較難揮發，殘留喺皮膚上嘅時間較長，若皮膚表面有破損可進入真皮層，便容易引起接觸性皮膚炎。

Photo from Shutterstock

此外，家長亦要小心存放搓手液，過往曾經有兒童或因搓手液嘅香味、鮮艷嘅顏色或精美包裝而誤吞搓手液，或有兒童喺搓手液未完全揮發便觸摸眼睛或口腔而導致搓手液中毒。

嬰幼兒濕紙巾及搓手液安全清單：

Photo from 世界綠色組織

Photo from 世界綠色組織

Text：Mami Editorial
Source：世界綠色組織