【好感人】偷偷護送失明女返學 慈母用身軀擋車

正所謂「養兒一百歲，長憂九十九」。黑龍江哈爾濱一位11歲女生，先天失明，但每日仍會「獨自」上學，更為此感到非常驕傲。不過，佢並唔知道原來媽媽一直以來都喺佢身邊守護住自己。

11歲嘅高雅，因為視神經發育不良而導致先天失明，正喺哈爾濱市特殊教育學校就讀4年級，學校距離屋企只有300幾米，高雅每日會花約15分鐘行路返學。而高雅媽媽因為不放心，於是每日都會偷偷跟喺囡囡身後，保持住3至4米距離，默默護送囡囡返學。喺囡囡過馬路時，如果太多車，媽媽更會用身體擋住車輛，等囡囡可以安全順利地走過馬路。

Photo from Shutterstock

高雅媽媽為咗唔好畀囡囡發現，除咗會喺出發前將電話調至靜音外，更經常演戲。當囡囡放學差唔多行到返屋企時，就會即刻跑上樓，假裝同高雅喺樓梯偶遇。媽媽指，喺護送囡囡返學時，曾經見過囡囡迷路或遇到其他問題，雖然當時非常緊張同擔心，仲試過喺遠處躲著喊，不過每次都按捺住自己，冇出手相助。

Photo from Shutterstock

媽媽表示，囡囡總會有離開自己嘅一日，因此希望佢能夠獨立，遇到困難時，可以自己克服得到。

Text：Mami Editorial