4大方法 快速解凍急凍肉 省時又方便！

相信大家都經歷過，喺雪櫃拎啲凍肉出嚟解凍，嗰段漫長嘅時間。有時放咗工，返到屋企想煮餐家常便飯食吓，不過一諗起要解凍啲肉，真係冇晒心機。其實坊間流傳過好多快速解凍冰鮮肉類嘅方法，今次就同大家分享吓！

1. 用醋或鹽水

好多人會用熱水解凍凍肉，其實咁樣做並唔恰當，會滋生大量細菌。相反，鹽水不但可以加快冰嘅融化，徹底解凍凍肉，仲唔會滋生細菌。另外，用叉蘸啲醋，然後將叉插入凍肉中，亦能夠加快解凍速度。

Photo from shutterstock

2. 善用鋁盆

將鋁盆底部朝天，然後喺上面放上凍肉，再用另一個鋁盆將凍肉壓住，大約10分鐘左右，就可以將凍肉成功解凍。不過要留意，不銹鋼嘅製品係做唔到依個效果㗎。

Photo from shutterstock

3. 冷藏解凍

如果唔係「緊急」解凍，不妨試試呢個方法。將買返嚟嘅凍肉，拆開包裝，再放入一個膠袋裡面，然後先放入雪櫃。只需一晚時間，凍肉就可以完全解凍，並且能夠保存得到肉質嘅鮮味。

Photo from shutterstock

4. 微波爐

以上方法，對大家嚟講，可能都有啲麻煩。如果真係想最快最方便地將凍肉解凍，懶人們可以選擇用微波爐內設嘅「解凍」功能。不過要注意，解凍過程要分開幾次，先由最低檔逐次增加時間，慢慢達到解凍效果，否則都會好易令肉質變壞。

Photo from shutterstock

Text：Mami Editorial