3大天然驅蟲方法 趕走蚊蟲、曱甴、螞蟻

夏天就快到，最近天氣開始轉熱，啲蟲蟲冬眠完，又喺時候出嚟活動啦，大家喺屋企有冇見到佢哋嘅蹤影呢？對付依啲小蟲、蚊、蟑螂、螞蟻，好多人會選擇用殺蟲水，唔好以為噴幾下冇乜嘢，其實依啲化學品，對大人同小朋友嘅身體都唔好。今次就教大家一啲天然嘅滅蟲方法啦！

1. 以氣味驅趕昆蟲

- 將肥皂刨絲混入水中，放喺蚊子經常出沒嘅角落，肥皂水嘅香味能夠誘使蚊子下蛋，但由於肥皂水係鹼性，蚊卵無法生存，唔能夠每殖下一代，蚊子嘅數量自然會愈嚟愈少。

Photo from shutterstock

- 喺角落位置擺放洋葱、蒜頭、辣椒粉，強烈嘅味道可以令到昆蟲避而遠之，減少再出現。

Photo from shutterstock

2. 種植物

- 迷迭香，唔少人屋企都有擺放迷迭香盆栽，唔難打難之餘，仲有驅蚊作用。另外，迷迭香生長迅速，將佢嘅葉摘落嚟剪碎，放喺地下，驅蚊效果更佳，如果屋企有露台，不妨一試。

Photo from shutterstock

- 逐蠅梅，其枝葉同花朵中間會揮發出蚊蠅敏感嘅氣味，唔單止可以驅逐蚊蟲，而且花朵嘅顏色艷麗，仲會喺唔同嘅生長時期變出唔同嘅花色，又靚又實用。

- 驅蚊草，喺15平方米左右嘅室內，放一棵約30厘米高嘅驅蚊草，驅蚊草散發出嚟嘅檸檬香味，能達到驅蚊作用。此外，呢種植物仲具有凈化空氣嘅效果，可以話係一舉兩得。

3. 保持清潔

潮濕同髒亂嘅地方，特別容易招惹昆蟲，想真正杜絕佢哋，保持地方清潔乾爽，其實先係最好嘅方法。例如：經常打開窗戶，保持室內空氣流通；每日以1:99稀釋家用漂白水清潔家居；檢查家中角落位置有冇藏有積水等。

Photo from shutterstock

Text：Mami Editorial