有Band 1屋企比考Band 1學校更重要！： 勿以一刻成敗 摧毀孩子一生！

今天是小一入學自行分配學位取錄名單結果公佈日，教育局發言人指出：今年有58,965名兒童申請官立及資助小學自行分配學位，成功獲派學位的有42.2%。公佈結果後，全港家長有人歡喜有人愁，落選於自行分配學位的家長可能需憂心要到不同學校「叩門」；成功獲派心儀學校的家長則準備慶祝。

但各位家長務必切記：勿以一刻的成敗，評斷孩子的一生。

Photo from PRESSLOGIC

可能得知結果後，那落敗的挫折感、失望不禁湧上心頭，但要知道的是：孩子的學業並非一場短跑，而是一場長跑競賽，而小一派位只不過是開頭，離終點還有很遠的路。

其實，心理學家余德淳博士曾指出：小朋友有一個Band 1 屋企比起考到Band 1學校更加重要！當小朋友有一個Band 1屋企，小朋友便會自動自覺讀書，在跑道直入彎道的「Cut線位」急起直追，甚至乎會有出人意料之外的成果。

何謂一個Band 1屋企？

兩夫妻之間和諧的關係以及夫妻之間的心理質素。

因為小朋友自小會觀察爸爸媽媽怎樣飾演解決問題、人際關係以及如何面對未來隱憂的角色，從而模仿並運用到自己生活各事情上。

Photo from PRESSLOGIC

家長難以建立一個Band 1屋企的阻力：焦慮

Photo from PRESSLOGIC

1.擔心小朋友質素能否應付香港社會的競爭

- 擔心自己提供的不足夠，務要尋求可託付的人（最好的師資？）／興趣班

2.到底要有幾多籌碼去支持小朋友的學業發展？

-需要多少錢、資源去扶助小朋友？（補習？升學？（國際學校／私校？外國讀書）

家長需要思考的問題：付出金錢、資源後，小朋友對學習的興趣有否增長？有否認真、珍惜家長提供的學習機會？

如何解決憂慮？如何塑造出Band 1屋企以及Band 1的小朋友？

-溝通。

溝通 ≠ 傾計

溝通＝對傾計對象傾談那年紀最想聽、最回應到（跟年紀背景相關）的話題交流。

溝通對Band 1屋企、成續有甚麼關係？

當你走入小朋友內心深處，令他覺得跟你說話開心、讓他覺得你明白他、了解他，你就成為他傾訴對象的榜首，然後，你所說的一言一語、指令，都具影響力，他都願意跟從。

余德淳博士曾引用與一位幼稚園小朋友的對話說明：

有一幼稚園小朋友跟他說：我要去美國搵超人！

余博士：呢個唔係問題，問題係你唔識英文呢！

於是那小朋友便很有興趣看英文書，因為他很想去見超人。

Photo from PRESSLOGIC

余博士雖現成為博士以及資深的心理學家，但其實在他小學一年級的時候，他曾考過全級包尾（45人考第45)，他父親的Band 1式的回答，影響余博士一生：

余爸爸：45人考第45，唔容易㗎！（成績表）全部都係合格藍字，考第尾，好難喎！你升唔升到班啊？

余博士：升到！咁要唔要帶成續表返學校？證明我真係升到？

余爸爸：升到就得啦！唔洗理㗎！唔洗帶。升班後啲分數係由頭計過㗎！

余爸爸這句「由頭計過」的答法猶如魔法，余博士因得知有機會重新計分而努力，直至三年級，他已追上前，考到全班第九名。

Photo from PRESSLOGIC

勝敗乃是兵家常事。這次勝利了，不要鬆懈，以免因一時鬆懈而被追過。

失敗了，最重要找到做錯了的地方，警惕自己，不斷的磨練，必定有所收成。

成續亦然，小一派位亦然，若果在起跑不久後便氣餒，只會一直成為人生輸家。

最重要是從錯誤中吸收，父母、子女間緊密、親密的關係與溝通，才是真正促使成功的摩打、成功的fomula！

Text: Mami Editorial
Source: 余德淳博士演說