照顧14人家庭家務量極驚人 日本媽媽無怨無悔

生兒育女對好多媽媽嚟講都係人生大課題，有時湊1個小朋友可能已經用盡爸媽們嘅精力，但日本就有對夫妻養育咗12個小朋友，其中1個係訪問時仍然懷孕中，雖然養育過程艱苦，但兩老婆一直無怨無悔，樂在其中。

Photo from FUJITV

46歲漆山亨同40歲老婆佳月接受綜藝節目邀請，介紹自己「大家族」嘅生活，分享下自己點解可以全職返工之餘仲可以好好照顧11個寶貝，每日過住「鐵人般」生活。

Photo from FUJITV

漆山亨同老婆婚後生下現時19歲大仔，2年後就生下現時17歲嘅大女，當大家以為2年抱兩已經好叻時，漆山亨同佳月仲未放棄過再生，2年後再誕下2女，其後更每年育有1位小朋友。

Photo from FUIJUTV

唔談經濟負擔前，要照顧一家14口絕非容易事，佳月嘅家務量真係多到數唔晒，每朝5點起身，每日要做到夜晚2點先可以瞓，換言之，佳月每日只可以瞓3個鐘！佳月指，每朝先為仔仔女女們準備早餐同午餐，7點半開始送小朋友返學，然後準時9點鐘返到髮型屋工作，跟住8點半放工又再準備晚飯同其他家務，每日如是。

Photo from FUJITV

Photo from FUJITV

佳月訪問中指，自己可以每年1位小朋友，除咗慶幸自己身體可以承受外，仲係因為大仔同大女係一個好榜樣，肯幫手自己分擔家務，更令細佬妹都會一齊幫手，同埋真係慶幸老公唔係豬隊友，願意負責教育同陪伴仔女，自己就可以安心負責屋企起居飲食。

Photo from FUJITV

但老公更反指，其實係老婆厲害，雖然有12位小朋友，但老婆幾乎每位嘅用品都分配得非常好，絕無搞錯或出現混亂，覺得老婆其實係家中嘅守護神。

Photo from FUJITV

Photo from FUJITV

Photo from FUJITV

13人同行絕對唔係易事，單單喺屋企嘅物品同埋食量已經超勁人，但每位家庭成員都堅守自己岡位，媽媽佳月同大女就主要負責洗衫同煮食，爸爸同大仔就係賺錢同教育細佬妹，大女指：「每日大量嘅衣服見到都會攰，有時都會叫細佬妹唔好成日換！」至於食量，全家每個月都只少食30KG米以上，外出食飯時更係一霸就霸住成間鋪，好似包場咁！

不過慶幸佢哋自己開設髮型鋪，有時小朋友直接到鋪頭坐陣，能夠將工作同家庭生活2合為一。雖然爸爸媽媽每日嘅生活幾乎完全被仔女佔據，但大家依然生活得好快樂，但依對爸爸媽媽就真係相當偉大同幸福喇！

Text：Mami Editorial

Sources：FUJITV