【BB加固用咩方式好？點知方法係成功？〈第二回〉】

直到19/03/2019，蟹籽仔終於成功用BLW代到一餐晚餐啦！（點為之代到？ 就係持續幾日， 餐後唔需要再補奶，咁就代表成功啦。）

魚魚媽媽嘗試將雞翼打直一開二比蟹籽仔食（記得買冇激數雞翼丫!）

再加埋半碗仔飯，4-5粒薯仔，生果有2粒士多啤梨同1條牛奶蕉。

蟹籽仔竟然食得哂，而且雞翼都食得好乾淨。

魚魚媽媽要多謝@NsL2Give baby 生活用品坊，兩個星期前佢哋做咗個陶瓷汽車盤優惠$39 買一送一，一直都為2個小魔怪搜羅唔同姊弟裝嘅魚魚媽媽更係唔會放過依個機會啦！

我都為2姊弟買咗一套，睇下佢哋用咗之後食得幾開心。

可能你會問點解唔用happy mat，因為冇乜形狀囉。魚魚媽媽鐘意用唔同形狀唔同顏色吸引蝦米妹同蟹籽仔。

滿懷感恩，魚魚媽媽心中嘅「懶惰仔仔」竟然拍得上佢嘅「小吃貨」家姐仔-蝦米妹。

千其唔好睇少身邊嘅每一個小BBs，分分鐘佢哋嘅食量仲驚人過成年人。

經過蟹籽仔依個經驗，魚魚媽媽更加相信BBs係會互相感染，每個BBs都會係其他小朋友身上學習（無論佢幾大），所以媽媽們如果可以帶多啲BBs去接觸其他嘅小朋友啦！

而且魚魚媽媽都要同蟹籽仔道個歉，點解？因為魚魚媽媽曾經以為蟹籽仔係「懶惰仔仔」，低估咗佢嘅能力。

魚魚媽媽都有啲慚愧，竟然對蟹籽仔冇信心。

作為媽媽唔係應該支持自己嘅小朋友嘅咩？點解我會用家姐仔同細佬對比？

大寶同二寶相處，媽媽會比較又是一個學問。

。。。BLW完。。。

上面提到嘅NsL2Give baby 生活用品網址:

https://m.facebook.com/LGbabyshop/

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：媽媽魚魚

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！