花盡心思了解社會問題 創造屬於自己嘅手機APP

好多人都知小朋友鍾意玩電子產品，有時會覺得玩太多會無益，但今次有班小朋友玩電子產品玩到自己設計APP，決定自己遊戲自己設計，證明畀大家電子產品都可以好有意義！

今次嘅國際級盛事「青少年手機APP設計比賽2019」受到各地嘅青少年重視，有逾300份作品參加，其中香港隊以語言學習APP「Language Pop」勇奪2個大獎，包括：中學組冠軍及全場大獎，將會遠赴美國麻省理工學院交流。

而小朋友嘅設計絕對唔係只係玩樂，日本參賽者Masaki就以遊戲介紹日本箏Koto而贏得小學組冠軍，將會代表日本小學生參加編程大賽Tech Kids Grand Prix。韓國參賽者就反思到當地社會問題，創作出紀錄物品位置嘅APP「Remember」，希望解決銀髮族需要，令到社會更重視銀髮族。

參賽者每一個設計都係經過認真思考同花盡心機心思，盡顯活動目的，令青少年創造屬於自己嘅手機APP，展現才華同創意，證明畀大家睇佢哋唔係只係識玩嘅青年人！

Text：Mami Editorial

Sources：AJS & First Code Academy