回憶總是美好 媽媽懷念懷孕期間女皇級生活

懷孕嘅時候要經歷好多身心理變化，有人會覺得係一段好辛苦嘅歷程，但好多時回過頭諗返又覺得自己好幸福，因為嗰陣身邊嘅人都會細心照顧自己，雖則話係錫住肚入面嗰個，但做媽媽都可以感受到女皇級照顧，你又係唔係咁睇呢？

喺電視節目《BB要健康》同嘉賓媽媽張美妮分享一次自己老公緊張自己嘅經驗，指，傳統話大肚婆唔好舉高手，有時自己舉高手拎嘢或者想拎少少嘢，老公即刻好緊張，話「你唔好呀～快啲坐低！」忍來全場話好羨慕，主持陳敏就同美妮講：「呢9個月懷孕期，你就係女皇嚟㗎喇！要盡情享受！」但係身旁嘅阿Bob就話：「生咗之後就唔係咁㗎喇！」

唔少媽媽都留言話真係媽媽們嘅心聲，發現原來做媽媽前大家都試過做女皇。例如，幾乎每一日都會有人問候自己、天氣轉變就會好擔心媽媽會凍親、晏小小瞓覺都會比人「趕」上床瞓，甚至有時想食咩都可以即刻食到！

但女皇般嘅生活可能只限第一胎，因為有係2胎媽媽嘅鍾麗淇就話，第一胎時真係咩都有人搶住幫手，但到第2胎時大家都好似習以為常，有時仲會話「你慢慢自己做喇～」

Text：Mami Editorial
Sources：TVB