【SiuBma分享 の 加固準備用品篇】

不知不覺SiuB 已經3個月大！SiuBma為SiuB 黎緊加固做足research! 聽取左各方既經驗媽媽同親身去睇下各牌子既用具用料， 等SiuB 可以隨時進行加固， 當然SiuBma 最理想係起5個月時先為SiuB 嘗試加固！而SiuBma選用傳統嘅加固方式即係米糊，加固前各位媽咪必須要做好功課知道各個階段所需副食品，食物顆粒大小及軟硬程度，食材嘅選擇、處理及保存方法等等，需要了解嘅資料太多！！之後SiuBma可以再同大家分享以上嘅資訊，今次主要都係想分享我究竟為SiuB準備咗啲咩用具可以令小B開開心心咁加固呢？

1.) Highchair

SiuB嘅姨媽起SiuB未出世嘅時候已經買咗Combi Highchair比SiuB用啦！所以SiuBma唔需要再買食飯嘅枱，當然市面上亦有好多其他款式嘅餐桌可選擇。

2.) 碗及餐墊

SiuBma選用Calibowl碗仔同韓國MammaBee Mat，Calibowl喺美國品牌，特別之處係有專利邊緣防漏嘅設計，小朋友食飯起碗入面攪動食物時會將食物都會碗中，減少食物掉落的機會，底部亦有矽膠防滑嘅設計，小朋友自己食飯嘅時候亦唔需要擔心玩會周圍郁，而MammaBee Mat係可以比小朋友訓練獨立進食，自己選擇伸手去拎食物，加上可愛嘅造型，會令小朋友愛上食飯時間。

3.) 湯匙及餐具

選擇餐具要留意散熱度及餵食量，要挑選質料比較柔軟和深度較淺，為避免傷BB嘅牙齦，亦可以選用湯匙手把，適合BB單手握住的曲線設計，幫BB容易握實，所以SiuBma 用Kidsme餐具及Munchkin溫感匙羹。

4.) 圍兜及防水飯衣

餵BB食飯時，好難避免食物的滴起衫上面，所以都會用圍兜或者飯衣，可以選擇質料比較易清潔嘅，減少媽媽們清洗嘅煩惱。

5.) 蒸煮機

呢樣並唔係必需品，但因為SiuBma係零煮食經驗！為咗方便SiuBma先買！我喺BB展買咗Philips Avent蒸煮機，蒸、煮、攪拌和解凍都係用佢，可以減少清洗廚具，又容易處理食物，啱晒唔識煮野嘅SiuBma!!

6.) 製冰盒或保鮮容器

如要事先處理好嘅食物或者已經煮熟嘅食物，可以放入冰盒整成冰磚再冷凍保存，需要時先根據食用量解凍，係好方便需要返工嘅媽媽。

7.) 學習水杯

等BB六至七個月就可以俾佢用學習水杯。最好選擇質料較輕同唔易碎。而且為BB方便要選擇附帶吸管嘅學習杯，隨着BB長大可以更換各種杯嘴。

8.) 各種市面比BB嘅副食果蓉

SiuBma買咗少少市面上嘅有機果肉，可以比BB嘗試唔同嘅食物！當然主要係準備比SiuB需要出外嘅時候用嚟安撫SiuB嘅！盡可能SiuBma都希望係用新鮮嘅食物整比SiuB，咁先係無添加。

9.) 果汁網

SiuBma希望準備各種嘅食具令SiuB更加鍾意自己食嘢，所以就準備咗顏色好靚嘅果汁網。將水果切粒，再放入網中，比BB用手拎住黎咬，仲可以訓練下咀嚼肌Tim!

以上係SiuBma準備嘅用具！當然各位媽媽唔一定要同SiuBma準備一樣嘅用具！大家根據自己嘅需要為BB加固做足準備啦！

SiuB，Are You Ready？？

Please Like & Follow us~
Facebook: www.facebook.com/sweethomeforsiub
IG: https://www.instagram.com/Sweethomeforsiub
Blog: sweethomeforsiub.blogspot.com

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos： SiuBma

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！