【餵糊仔既BB點開始自己用餐具呢？】

各種原因關係無行BLW，所以見親其他行BLW 既bb細細個唔洗人餵，識自己食野都覺得好叻叻呀！諗住如果jacob都可以快d 學識自己食，咁就唔洗我餵，發達啦！

BLW (是一種順應孩子自然生理發展的進食方法，讓嬰兒主導用手去拿食物，感受食物的質感，自己進食 )

TW(循序漸進的匙餵方式進行加固 )

於是早幾日執櫃搵返契媽係日本買既小型餐具，佢說明書寫住適合一歲以上，咁計返依家d bb 咁聰明，平時既玩具同用品都早兩個月已經用到，就索性俾Jacob 試下自己拎住餐具食！

點先知bb 可以試自己食呢？如果觀察到bb 有以下行為，不妨嘗試俾佢地自己用餐具食呀：

餵飯時，寶寶喜歡搶媽媽手中的餐具
想要伸「手」抓食物
當湯匙中的食物快要掉下來時，會主動想去舔湯匙

以下係我從一條片截圖俾大家睇，係Jacob 十個月以來第一次俾匙羹佢自己拎住食糊仔，好似都算成功呀，雖然佢未識係碗到畢，但係都叫識擺入口lam

我係用緊Pigeon 呢款迷你餐具仔
前面夠細岩佢地擺入口
長度岩岩好，大約普通餅仔咁長
可以放入熱水

以下係d 小建議

揀佢心情比較靚既時候試（唔好佢眼訓/太餓時俾佢試呀）
糊仔整杰d, 因為佢會將個匙羹巴黎鐵塔反轉再反轉
開頭先觀察佢，然後可以嘗試捉佢手引導下佢
佢肯食一啖，即刻讚到佢無與倫比啦，BB 好醒, 你讚得多佢知係好野就會做多D~

因為我暫時淨係用過呢款，跟住我又搵左其他唔同既匙羹款，下次試用完再同大家分享下。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：Jacob媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！