倒數3年生命 日本爺爺把握臨終前與家人相處

日本攝影師Shin Noguchi面對家人即將離世，決定用自己專長為爸爸留下回憶，同時透過自己鏡頭，用心體會爸爸生活嘅一點一滴。

Noguchi爸爸確診罹患肺癌晚期，無法活超過五年。當時Noguchi一家收到醫生嘅確診報告後，瞬間跌入深淵，但爸爸卻份外冷靜。

面對爸爸生命步入倒數，Noguchi用鏡頭紀錄爸爸餘下生活，發現原來爸爸比自己放得開，甚至更加識得把握時間與家人相處。

從Noguchi鏡頭下發現，爸爸患病初期，每日都優哉游哉欣賞屋外景色，照常同孫女玩樂，表現出好有活力嘅一面，或者照常為家人落廚。

同時細心發現，原來爸爸已經日漸憔悴瘦弱，甚至步行已經出現問題，但爸爸仍然堅持每日陪老婆外出買菜。

去到患病晚期，爸爸被送到醫院。出院後，爸爸開始留意仔仔為自己拍嘅相，一張一張咁欣賞。

直至有一日，爸爸揾孫女傾偈，教導孫女處世道理，叫孫女要開開心心長大，希望孫女可以堅強獨立。但爸爸開始眼瞓，慢慢闔上眼，而然，Noguchi發現原來嗰一刻喺為爸爸生前影嘅最後一張相。

3年來，Noguchi一心為爸爸留下回憶，由患病初期到晚期，Noguchi發現原來自己極度不捨爸爸，直到爸爸火化那一刻，Shin Noguchi打算停止拍攝，但媽媽同Noguchi講：「繼續影喇！你爸爸唔希望你停低，幫佢記錄一下！」

面對家人離世，有人可能會逃避，甚至避而不談。Noguchi決定用鏡頭為爸爸紀錄，反而換來更加實在嘅回憶，而且喺另一個途徑認識自己爸爸，因為每一張相都呈現出Noguchi對爸爸嘅思念。

Text：Mami Editoral

Sources：ETtoday新聞雲