陳凱琳公開BB性別 期待BB會似邊個

陳凱琳Grace今年8月成為人妻後，好快就宣佈做人媽媽！老公鄭嘉穎一直避講老婆嘅孕期，就連BB性別都唔講，但今日終於公開BB係「衰仔」呀！

46歲鄭嘉穎同24歲陳凱琳Grace嘅父女戀十分恩愛，上月宣佈造人成功後，一直話怕BB小氣所以唔公開BB性別，但今日睇嚟時機成熟，公開BB係囝囝，Grace發佈一張寫住「帥」嘅BB衫同一支網球拍相，話期待見到囝囝，好想知Little Kelvin會唔會似爸爸鐘意打網球。

另一邊廂，老公鄭嘉穎就話「衰仔！我等你！」睇嚟BB出世後，佢哋兩父子關係會相當似一對朋友！

Grace宣佈懷孕後，一直唔講BB係仔定女，話想尊重長輩，先向長輩親口公開BB性別後再向外界公佈，而老公出席活動都話要留返畀太太宣佈，因為未收到老婆指示，不敢亂講嘢！

Grace大肚之後胃口都有轉變「以前甜品當正餐，宜家鐘意食粉麵同粥」，同時佢話習慣咗少食多餐，但體重已經肥咗10磅，醫生話BB係中型size，真係好期待見到小王子出世呀！

Text：Mami Editorial

Photos：陳凱琳@IG