美國爺爺深信中風老婆聽到自己嘅說話 每日用手同眼睛互相溝通

聖誕係普天同慶嘅日子，又係一家團聚嘅時候。美國密芝根州有位90歲爺爺襯住聖誕，裝扮成聖誕老人，帶住聖誕氣氛去養病院，拜訪臥床不起嘅老婆。

Don West爺爺同86歲老婆Jackie結婚已經60年，喺去年6月老婆不幸中風，其後一直喺屋企休養，但之後情況轉壞，需要通過管道進食，所以轉到養病院。

Don West擔心老婆今年聖誕寂寞，所以決定扮成聖誕老人陪老婆，雖然老婆表達唔到任何情感同反應，但Don West深信老婆會聽到自己嘅說話：「雖然今年你要瞓喺床上，但今個聖誕我都要同你一齊跳舞。」爺爺就用手臂抱住老婆，然後將老婆嘅手放上自己膊頭，仲請來結他手喺側邊彈琴。

爺爺幾乎每一日都會去探老婆，每次見到老婆，佢都會同老婆講「我愛你」，即使老婆已經一年無親口向Don West 表達愛意，但係Don West 深信，老婆聽到自己嘅說話，會用眼晴回答佢。

爺爺對老婆嘅情意60年不變，不過爺爺知道會結束，而佢已經有心理準備，但佢知道只要老婆仲生存，佢都會令老婆生活更美好。

Text：Mami Editoral

Sources & Photos：Mail Online