【每次同BB去旅行都會驚一驚 5個最怕發生嘅事】

以前既我覺得帶BB去旅行係一件好得人驚既事，但呢3次去既經驗都實在太好，所以又忍唔住準備緊下一次 :p

不過，帶小朋友去旅行真係有幾樣野好擔心會發生！

1. 坐飛機時喊，騷擾其他乘客

我估呢件事真係令好多爸媽卻步！當然喊既原因多數都係因為耳朵不適~

如果真係好想帶小朋友去旅行，第一次可以選擇落機既30分鐘前俾小朋友飲奶或飲水(只適合6個月或以上大既BB)，因為呑既動作可以舒緩不息。

同埋第一次可以選擇機程較短同中午機，就算小朋友真係哭鬧都唔會太過耐~

好彩蠔豉妹妹都無不息既情況，2次都係食、訓、玩下玩具就過左~

2. 帶漏用品

So far呢幾次旅行都無帶漏野，我建議各位除左可以睇下我寫既checklist外，大家去旅行前一星期每日都留意下有乜要用，將你覺得必須既先好帶，可有可無既，真係取捨下，或者了解下當地有無得買。

如果係去日、韓、台，其實真係乜都有得買，大家唔洗怕~

3. 行程改變

如果你本身係一個well planing既旅行逢人，同小朋友去旅行就可能會令你怕怕！

因為小朋友既生理同心理變化太難以觸摸~可能你plan好一日去2-3個景點，但同小朋友去，可能只係去到1-2個，仲要就返小朋友既進食時間，千其唔好打亂呀！

好似我同蠔豉妹妹去outlet，竟然由11am - 6:00pm...平日如果同我老公行，2hrs就乜都行完，點知outlet既玩具舖出面有playmat...咁又玩左成個鐘，我既福岡塔都無去到...

4. 天氣因素

之前想帶蠔豉妹妹去沖繩，機票都買左，點知爆德國麻疹，所以安全起見就無帶佢去。好彩無帶，因為...我地本身走個日打風，航班delay左30小時(好彩有買旅遊保險，一共賠左$2xxx)...

個下真心覺得好彩無帶蠔豉妹妹！因為以我既性格，係絕對唔會預多一日既行李，唔換衫褲都算，無晒奶俾BB食先大獲！人奶B都ok，但奶粉B點解？轉牌子都唔多好啦...

所以有左呢次經驗後，BB/小朋友既行李，係飲食方面我都預多1、2日既份量！

5. 身體不適

呢樣真係最最最怕！平日係香港病都已經肉痛到爆，去旅行人生路不熟就更加心荒！

之前帶蠔豉妹妹去台北，第二日早上佢有微燒(37.9度)...我地全家都已經心荒，又唔知睇唔睇同邊到有醫生睇，好彩有準備定平安藥、退熱貼！

仲有當時都問左本地朋友附近最近既醫院、診所以防萬一！到中午退左燒又有返精神，大家先放心~

好彩係去台北，溝通完全無問題！不過之後去福岡我就有啲擔心，因為我又唔識日文，日本人啲英文又一般般...

好彩有朋友介紹我用Wesurance買旅遊保險！

其實Wesurance同一般買既旅遊保大同小異，佢地係由美國的保險公司allied world 承保，可以隨時隨地用app買都得！

最重要既係佢地全年365日都有在線客服！每日09:00-24:00都有專人幫手！只要有data 或者 wifi開到app就可以打去支援電話！就算係言語不同既地方上都可以有人backup到，唔洗心荒荒！

你地都知，做左人阿媽，可以乜都唔怕，但就最怕小朋友唔舒服、有意外...

學do姐講既:「意外，就係意料之外」，所以保險一定要買！我恨不得一世蝕俾保險公司，恨不得一世唔洗打支援電話！不過，要蝕俾保險公司都要投保左先嫁嘛 ：p

呀！講開旅遊保險，Wesurance仲可以係app到自行更改旅程日期，咁就算突然想玩多幾日都可以輕鬆更改~

祝願大家同BB去旅行，以上5種怕怕既情況都唔會出現~~

Facebook : 80後的人妻「旅」友  &  蠔豉妹妹之貓奴生活
Instagram : https://www.instagram.com/wingring
合作／邀稿 : [email protected] / [email protected]

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：PigWing

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！