產後抑鬱原來唔係女性病 爸爸都有機會患上

媽媽患上產後抑鬱嘅例子最為大眾所認識，普遍人都以為呢個係女性先會患上嘅疾病，但原來爸爸都同樣有機會患上產後抑鬱。

有研究指出，如果太太患有產後抑鬱，先生亦會有20-50%機會患上產後抑鬱。

初為人父嘅新手爸爸如果係持續兩星期內，出現至少4種病徵，都可以初步診定為患上產後抑鬱症。

病徵 :

1.情緒低落

2.思維反應慢、記憶力下降

3.喜歡獨處、不願社交

4.常有焦慮、內疚感

5.睡眠障礙

6.常有疲倦、心胸郁悶、腸胃不適、便秘等

7.自暴自棄、厭世心理及行為

8.性慾減退

產後媽媽因爲心理、生理改變影響情緒管理，心靈變得脆弱。

人人都話老公需要比多啲支持、關懷太太，但其實爸爸同媽媽一樣，生活上面對同樣嘅新改變，亦係同樣心情去面對新家庭成員。

加上爸爸作為男性，被性別定型為堅強、能幹，唔應該輕易流淚、流露感情。呢啲因素都會導致爸爸有苦難言，更難以談及冶療。

如果爸爸媽媽其中一方患有抑鬱症，對小朋友嘅影響係十分深遠。

不但會影響小朋友腦部發育，仲會影響到情感、自我控制同認知功能方面嘅發展。

小朋友長大後亦會較大機會患有抑鬱症，而最重要係會令小朋友難以同爸爸媽媽建立良好關係，最終容易出現行為、情緒問題。

不論係媽媽定爸爸，經歷人生一大轉捩點，都需要互相扶持、分享彼此諗法，閒時都要分配時間放鬆一下。

Text：Mami Editorial