【結合兩文三語Messy play 新奇遊戲吸引孩子學習】

蠔豉妹妹宜家已經16個月啦！一直以黎，我地都無帶過妹妹去messy play，但最近，我就帶左蠔豉妹妹去體驗左一次Victoria Playpark既playgroup。

佢地既playgroup係結合左兩文三語(英文、廣東話、普通話)、五感探索同Messy play~

當日蠔豉妹妹玩得好開心，老師係流利既普通話人~一開始就同大家一路唱歌，一路教身體唔同既部位~

跟住就一齊用搖鈴打拍子，呢個時候蠔豉妹妹就已經忍唔住要坐到中間近老師既位置...媽媽去左邊都已經無人理...

之後另一位廣東話老師就同大家講下故事，教大家裝飾一下書包~

你地睇，佢又行左去，叫佢sit down please真係難過登天 :p

用手指沾上顏料裝飾一下~

由於蠔豉妹妹同佢阿爸一樣有潔癖，所以都只係印左幾下~不過第一次都唔錯！

最後就到外藉老師同我地用英文唱歌同玩下水~

叫小朋友識下用手揸下海綿、麵粉團~

可能蠔豉妹妹第一次接觸Messy play~所以好多野佢都覺得好新奇，佢會先觀察其他小朋友，之後邀請佢幾次先願意嘗試~但總括黎講都好好玩、好開心~你見啲相佢都已經唔知我係邊就知啦 :)

如果大家想一路messy play一路學習兩文三語，咁Victoria playpark係一個幾好既選擇~仲要地方都幾大~又新，open area都有其他設施玩~

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：Pig Wing

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！