【幼兒食譜 抵食易做有益 日式三文魚頭濃湯】

三文魚有益, 含有大量Omega 3 同DHA大家都知, 但平時多數食魚生, 熟既三文魚我就好麻麻, 前排行過街市見到大大個三文魚頭都係20蚊左右, 平到笑呀, 我見親D大魚頭總係有股衝動把牠帶回家, 今次滑了手, 買了一個回家煲個超簡單既日式三文魚頭麵鼓濃湯, 大人同小朋友一齊飲, 有益又健康。

材料:

三文魚頭              一個 (切開4件)
豆腐                      一盒
昆布                      少許
日本麵鼓醬          一包
水                          1000ml

1. 三文魚頭先洗淨, 然後撲點生粉。

2. 燒熱鑊, 煎香三文魚頭兩邊。

3. 趁大火倒入滾水一大杯 ,魚湯會變奶白色。

4. 滾5-10分鐘後, 轉細火。

5. 加入拉麵鼓湯和昆布煮30分鐘左右, 最後加入豆腐, 滾起即可熄火飲用。

這個湯真係非常香濃和鮮甜,平時老公好怕魚湯腥, 都讚不絕口話好好味。

喜歡的還可以加入白飯變湯飯, 三文魚頭內亦有很多肉可以食, 抵食又有益。 不愛麵鼓醬可以不加, 清魚頭湯也很鮮甜, 加少少鹽調味即可。 如較細的小朋友唔加都得, 因為魚頭本身已有少少鹹味。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos : QB媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！