【產後媽媽身體虛弱 炒米茶係最佳飲品 製作方法公開】

執完走佬袋。。。仲有另一樣野要做就係準備《炒米茶》喇!!

其實炒米茶(代茶)的作用, 是加強新陳代謝, 紓緩身體不適情況。

另外產婦大多有胃寒情況,經常口淡淡,若果飲用一般滾水會增加口淡感覺, 容易出現作悶, 若不斷喝水, 就很容易出現胃脹，尿頻，便秘，腳水腫情況。

飲用代茶則可改善情況，坐月期間飲用代茶對身體有益，正氣更可有暖胃作用。所以產婦一般都會飲用代茶至滿月為止!! （若坐月後都keep住餵母乳的話，最好keep住飲，會增加奶量架）

炒米茶的製作方法：

至於炒米茶的製作方法，網上有好多個版本，有d人用白米，有人用糙米，有人會落埋淮山、黨參、北旗，但最基本嘅材料離不開米及陳皮，其他材料可以因應個人喜好加入。

準備材料：

．米 (可選白米, 紅米, 糙米, 黑糯米，只選其中一種或按個人喜好混合亦可)
．陳皮 - 理氣健脾，燥濕化痰
．圓肉 (龍眼肉) - 有安眠作用
．杞子 - 明目，補腎益精，可調節機體免疫功能
．紅棗 / 南棗  - 有補脾和胃、養心安神、補血之效，順產者第4日後可加
．薑 - 散寒驅風、止嘔，順產者適用
．茶包袋

注意:

1. 米炒過後有驅風作用

2. 勿用當歸，因會旺血

3. 紅棗較燥(去核用)、南棗補而不燥

4. 陳皮越耐越好，建議7年以上，而且陳皮唔洗浸淋去囊，唔會令其他材料濕透而變壞

5. 順產用薑建議飲時先加，才不會弄濕其他材料

6. 所有材料不用洗，保持乾爽

7. 材料漸進式加...若果產後太快飲用大量紅棗既湯水/代茶...或一些行血藥材會令產婦惡露突然增多..所以一生完先飲"陳皮炒米茶"為佳

8. 炒米可放1個月，代茶要天天清，不可以放過夜

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

製作步驟：

１）白鑊炒米至金黃

炒米我用左:有機三色米( 白米, 紅米, 糙米 )乾鑊炒10分鐘左右, 炒到米變少少金黃色即可, 不要炒焦!!! 米可洗不唔洗，我懶洗，所以直接放入白鑊炒。

２）把炒好的米連同材料放入茶包袋

茶包袋於12蚊店/日本城等有售

３）包裝份量

每包份量可按個人喜好增減:

炒米 (外賣飯匙2匙)

陳皮一小片

圓肉數粒

杞子隨意

第一日: 炒米 + 陳皮 ( 順產可以加薑 )

第二日: 炒米 + 陳皮 + 元肉

第三日至坐完月: 炒米 + 陳皮 + 元肉 + 杞子 (開刀者適用)

第四日至坐完月: 炒米 + 陳皮 + 元肉 + 杞子 + 南棗 (順產者適用)

開刀者只需弄第一日, 第二日, 第三日

順產者第一日, 第二日, 第三日, 第四日都要弄

４）弄好後放入密實袋壓走空氣

我一次過包好三天份量，放入雪櫃備用，到入院時帶埋去醫院就可以了。頭幾日在醫院，飲用前會先過一次熱水，第二次熱水焗15分鐘就可以飲，每一包炒米茶可以翻沖2-3次。帶備一隻保溫杯就好方便了！

出院後可以直接把材料放入滾水內煲焗約一小時，直接搵茶壺裝起，想飲時直接倒出來就得。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Text & Photos : 駿琳Mama