![【超人媽媽】網民:點解依加啲阿媽咩都唔識似物種退化 眾港媽被指係長大了的港孩群起反駁](https://image.mamidaily.com/wp-content/uploads/2022/04/81b3ae30.png?auto=format&w=718)
【超人媽媽】網民:點解依加啲阿媽咩都唔識似物種退化 眾港媽被指係長大了的港孩群起反駁
無論哪個年代,將子女養育成人都不是易事,因此不少人長大後都會用各種方法報答父母的養育之恩。不過近日有網民發帖指出舊時的媽媽十項全能,可謂入得廚房出得廳堂,然而相對下新一代的媽媽卻「好似咩都唔識」。新舊媽媽的爭議引起網民激烈討論,不少港媽都對此作出反駁!
Photo from MamiDaily
網民:點解近代嘅阿媽咁廢?
有網民日前在香港討論區以「點解近代嘅阿媽咁廢? 」為題發文,稱最近有感而發,覺得新一代媽媽「好似咩都唔識」,又問大家是否認同。他在文中表示舊時的媽媽好勁,「又識拜神睇通勝、又識劏魚劏雞」,可謂入得廚房出得廳堂。隨便找一個師奶都識煮住家餸,即使大排筵席九大簋都無問題,家人偶感不適「頭暈身㷫又識煲涼茶」。
Photo from MamiDaily
現今媽媽只識叫工人做
他回想起自己的讀書時代,當時上家政堂要交功課,媽媽「兩下就車好條圍裙,冬天仲會識織冷衫同埋頸巾!」反觀現今的媽媽相形見絀,「點解而家啲阿媽咁廢⋯⋯淨係識得出街買兩餸飯,連湯都唔識煲」。發帖的網民認為她們「咩都唔識做,叫工人做」,故有感「似乎阿媽呢個物種都退化咗」,慨嘆「『有媽的孩子像個寶』已經無呢支歌仔唱」。
Photo from MamiDaily
新一代父母是長大的港孩?
帖文引起不少網民熱烈討論,有人贊成樓主的說法,覺得現代媽媽照顧家庭的能力比不上過往,「我阿媽以前一個湊5個仲可以返工、打麻雀。依家D阿媽3個大人一齊湊一個都搞唔掂,都唔知點解退化到咁樣」、「咪就係以前啲阿媽太勁,縱到啲女咩都唔識做,好命又有工人使,所以啲人做咗阿媽咪咩都唔識」、「而家啲新一代父母全部都係長大了的港孩」。
Photo from MamiDaily
港媽反駁時代不同職責不同
不過也有不少港媽群起反駁,認為年代不同不能一概而論,「點解永遠要求個女人點點點,但又唔會要求男人點點點。時代變男女分工都要變」、「以前啲細路通山走通街跑,唔使理佢哋啲功課又唔使溫習,點同宜家呢」、「以前的資源冇依家咁好,咩都冇唯有自己做自已學。依家買嘢又方便,使鬼自已做咩」、「個個讀飽書搵錢仲多過老豆,仲同你洗衫煮飯?」
Photo from MamiDaily
現在的媽媽也有強項
有人指出現代媽媽的職責已有不同,「而家啲阿媽識幫你搵定邊間幼稚園playgroup,報一條龍直資私小,搵私教老師補齊中英數常」,又要安排子女「學定一門樂器,玩一門運動,而且將時間表安排到唔會有嘢撞」。小朋友學習進度、功課跟到足,「基本上小朋友未教到嘅,媽媽自己學定先」,更要安排時間一有機會「就同小朋友周遊列國」,反問「以前啲阿媽邊識?」
Photo from MamiDaily
延伸閱讀:
延伸閱讀:
Text:Mami Editorial
Source:香港討論區