【教材分享不唸PN班的娃│五合一教材組合（含VIDEO）】

小JM仲未夠歲數入讀K班，又適逢中秋節臨近，剛好可以用「中秋節」作主題為小JM預備新系列嘅教材及小玩意。

今次小JM媽所製作嘅中秋節教材可以分為五個不同組合，

除咗一如以往會有Flash Cards之外，

今次仲會有連線遊戲、配對遊戲以及砌圖遊戲。

而且當中更設有燈籠設計D.I.Y.，

希望可以藉此提供一個親子時光俾大人及小朋友，仲可以一齊做小手工添。

VIDEO:

【我的中秋節。五合一教材組合】共分為五個部份，

當中配對遊戲卡更設計成袖珍版，方便攜帶外出把玩。

日後亦盡可能設計更多相同大小而主題不同嘅配對卡，

咁樣就可以一直沿用以學習之用。

宜家就等小JM媽同大家介紹一下呢五個部份嘅內容啦!

一.)　中秋節Flash Cards

以中秋節為主題，並以相關事物設定Flash Cards。

其後可因應小朋友進度再加入更多相關嘅Flash Cards，以作延續。

二.)　連連看

連連看以A5 Size設計，方便可攜帶出外。

剛好配合埋書展時買嘅「UFIXX SILICONE多用途插卡畫板 」一同使用就可以達到多次重畫效果，

不單節省紙張，而且亦易於清理。

「UFIXX SILICONE多用途插卡畫板 (A5)」：https://goo.gl/F8EVoM

放咗入多用途插卡畫板後就唔怕小JM會好容易整爛，又唔駛不斷重印。

遲下又可以再ON TOP再加新圖案亦得！

畫畫畫，不斷擦再不斷畫！

三.)　袖珍配對遊戲卡

袖珍配對遊戲卡嘅設計原意係想方便小朋友攜帶外出把玩，

而且日後亦會設計更多不同主題嘅袖珍配對卡，咁樣就可以達到長玩長有嘅效用！

今次中秋節主題嘅袖珍配對遊戲卡一共有七組。

圖案與Flash Cards一樣，以便配合Flash Cards一齊玩。

小JM媽有以下嘅玩法提議俾大家作參考:

1.) 中秋節Flash Cards＋袖珍配對遊戲卡

將相關嘅七張Flash Cards抽出，再將袖珍配對遊戲卡圖案向上打開。

爸媽可以揀取一張Flash Card，再叫小朋友係袖珍配對遊戲卡堆內揾返相關嘅卡出來。

2.) 中秋節Flash Cards＋袖珍配對遊戲卡

將相關嘅七張Flash Cards抽出，再將袖珍配對遊戲卡圖案向下。

爸媽可以揀取一張Flash Card

再叫小朋友係袖珍配對遊戲卡堆內揾返相同嘅卡出來。

每次只可以抽一張卡，抽錯就要將卡圖案向下放好先再揀。

同樣，爸媽亦可一同輪流參與，睇下最後邊個手上有最多嘅配對遊戲卡啦！

額外規則參考：

*抽錯就要將卡圖案向下放好，再到下一位抽

*抽中者可以一直繼續玩，直至配錯，即轉人

3.) 袖珍配對遊戲卡

可以俾小朋友自行用配對遊戲卡進行配對，從而加深對事物嘅認知

四.)　砌圖遊戲

以中秋節嘅應節水果 - 楊桃　設計成一幅六塊嘅簡易砌圖。

爸媽需要剪裁出砌圖嘅外框，如下圖：

再將圖案剪成六小塊，並貼於厚卡紙之上。

再將砌圖栽好及貼上保護膠貼，即成。

六小塊嘅設計適合學前小B們，會比較容易掌握及拼湊。

五.)　我的燈籠設計D.I.Y.

材料:

我的燈籠教材　一份

紙巾筒　　　　一個

線　　　　　　一條

木筷子/竹枝　　一條

膠水/漿糊筆　　一枝

較剪　　　　　一把

顏色　　　　　隨意

創意　　　　　無限

做法:

1.) 利用不同顏色在左邊圖樣中畫出喜歡的圖案

2.) 完成繪圖後, 沿虛線剪下外框

3.) 將圖形沿摺線對摺, 再打開

4.) 小心地將圖形中間的虛線剪開

5.) 將圖形頂端及底端塗上膠水並貼於紙巾筒之上

6.) 將紙巾筒打孔, 並將線穿上及繫於木筷子之上即完成

如果你都對【我的中秋節。五合一教材組合】有興趣的話，可以到專頁索取喔~^^~

(1) 讚好(Like) 傑。斯與晴（Jolie。小JM成長印記） 專頁

(2) 讚好(Like) 及 公開分享(Share) 相關嘅Facebook Post (https://goo.gl/5bTQfy)

(3) 留言「我想要【我的中秋節。五合一教材組合】教材」及Tag 3位朋友

只要做齊以上步驟，小JM媽就會將【我的中秋節。五合一教材組合】教材以Facebook INBOX傳送給你及小朋友喔!

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：傑。斯與晴

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧