【親子出走去旅行 五日四夜台北之旅 話你知係飲食方面要幫BB準備甚麼？】


帶住bb去旅行要準備埋佢地食嘅野真係帶唔少野，

今次同大家分享下今次同Hena 5日4夜嘅台北旅行帶佐啲咩喇！

Hena現時每日食5餐，3餐係奶另外2餐係固體食物。

由於我唔放心用酒店嘅熱水壺煲水，

所以我帶了小電煲去， 用黎煮食同煲熱水。

而我去到當地超市買了南瓜 豬肉同蘿蔔苗用黎煮麵同粥比佢。

我自備了田靡製麵bb麵同寶寶百味胚芽米去，

因為兩種都易煮快熟唔洗洗。

只要將所有材料煮熟就食得。

外出無時間煮嘅時候，我準備了即食粥比佢，

一款係寶寶百味 另一款係金姳熙即食粥，

分別在韓國個款未溝熱水時係粉狀。

個人比較喜歡寶寶百味多d，韓國個隻係之前買了未用哂帶埋去。

兩者只要放燜燒杯加熱水焗十分鐘就食得。

而奶類，我一早分好奶粉到奶粉袋，每次用一包就可以。

另外帶了Mother-k 拋棄式溫感奶粉袋，適用於寬口奶樽，

但我試過標準奶樽都用到， 但水位會唔用佐，所以要預先記清楚個水位。

去到酒店洗奶樽無位晾乾，

所以我係淘寶買了個可折疊式嘅奶樽晾乾架。

淘寶店：

kidsGO!宝宝旅行必备

http://m.tb.cn/h.340fx6y

要煮食同洗奶樽所以帶了旅行裝洗碗液，都洗得幾乾淨。

係Iherb買的。佢嘅配方可以洗埋奶樽咖。

Iherb :

Dapple, 旅行洗碗液，薰衣草，3 液量盎司（88.7 毫升）

https://hk.iherb.com/pr/Dapple-Travel-Dish-Liquid-Lavender-3-fl-oz-88-7-ml/28196?rcode=AQF5715

而零食方面，雖然我一向好小比餅佢食，

但驚佢扭計 由其係飛機到，所以都帶定2盒餅仔比佢，

盡可能我都係係7- 11買香蕉比佢當零食。

不過有時我地食飯佢又扭計都要比餅仔引下佢。

口水肩方面，因為Hena最近口水唔太多，

我只係準備佐2條比佢 ，其餘多數用即用即棄嘅紙餐巾，夠方便麻。

今次飲食篇分享係禁多喇，希望比到個參考大家喇！

好快會同大家分享我帶bb去佐邊到玩。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：Rina Lam

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！