【高纖有營養 熱食凍食各有風味 教你炮製親子共食日式五目炊飯】

早排去日本旅行，

好多媽媽都問我Bella食咩？！

其實Bella今次出發歲半，

比起上年年尾去北海道時十一個月大，

會更易處理，我除了帶奶，

還有自攜水壺，到便利店買生雞蛋來烚，

先保證佢每日一蛋，午晚餐就跟我地食，

最常吃的是shabushabu，

昆布湯底說穿了就等於滾水，

放菜，肉，菇，豆腐比佢食就好了。

其次就係將食物過水比佢食，

又可叫餐廳煮菜時不放鹽或淡口。

Photo from Photo From PressLogic

入返正題先，

就是在日本食左幾次炊飯定食，

念念不忘，都諗下可唔可以為Bella做健康版，

其實呢款五目炊飯，地獄煮神媽媽都可以做，

1歲BB可以食。

五目即是五種材料，

而炊飯也可以說是炆飯，燉飯，

不過用高湯來炊它吧。

大人食會用濃口味的鏗魚湯包或味素粉，

不過BB食，就用自製的高湯最安全健康吧。

《BB食譜12M+ : 日式五目炊飯》

材料：

秀珍菇，青瓜，洋蔥，紅蘿蔔，

另外就是雞脾肉。

份量隨自己控制便可，

煮多一點也可以親子共食。

先將洋蔥，青瓜，秀珍菇及紅蘿蔔切碎備用。

雞脾肉去皮切粒，
之後我用了自己磨的乾冬菇粉稍醃一下，
喜歡的也可以加鹽。

為了顏色靚靚，我會把雞肉略煎，

同時也會更香口，細BB可免煎。

也無需煎太熟，因為會再跟飯同煮。

珍珠米，我用了一杯。

先洗一下去水。要注入水浸半小時。

開始煮飯，

我今次用了鑄鐵煲直接煮，

若想方便快速，也可以用電飯煲。

去掉浸米的水，把米放入煲中，

注入高湯，今次高湯我自己淆了香菇昆布味，

屬於素湯，放冰格冷藏，可做日式烏冬的湯底，

就算蒸蛋都ok。

如果用電飯煲，就像平時煲飯一樣加入高湯，
再放入所有材料同炆。

如果用明火煮，則先加入高湯於米中，
中大火滾起後不時翻一翻米，以免痴底。
 

直至米粒稍軟便可加入雞肉，及其他配菜，
然後再加入高湯，份量要蓋過米粒。

中細火先炆8分鐘，再用細花炆8分鐘。

熄火，焗5分鐘。

打開蓋，如追求賣相靚的，可先取出雞肉，把餘下的材料跟飯一起拌勻。

如像我一樣要裝飾，

我用了少許蛋液煎成蛋絲舖飯面。

再加上雞肉，灑少許紫菜，即成。

另外的湯也是用了香菇昆布高湯做的，

配料加除了昆布香菇，也加入洋蔥及紅蘿蔔。

這炊飯吸收了菇香，也有不同配料，

食落唔會寡，而是主要是一鍋過易煮，

親子共食也好適合。

另一個很好的建議，

把飯放涼後做成五目飯糰，

又是另一番風味，

也是一客很好的裹腹下午茶，

特別是炎熱的夏天享用。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos : 許許

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！